નવી દિલ્હી:ભારતીય ક્રિકેટ ટીમના ભૂતપૂર્વ બોલિંગ કોચ પારસ મહામ્બ્રે આઇપીએલ ફ્રેન્ચાઇઝી મુંબઈ ઈન્ડિયન્સમાં જાેડાવા માટે તૈયાર છે. મહામ્બ્રે આ પહેલા પણ હાર્દિક પંડ્યાની ટીમ સાથે કામ કરી ચૂક્યો છે. ભારતે આ વર્ષે ટી૨૦ વર્લ્ડ કપનો ખિતાબ જીત્યો હતો. મ્હાબ્રે તે ટીમના બોલિંગ કોચ હતા. ૫૨ વર્ષીય મહામ્બ્રે ૨૦૨૧માં ભરત અરુણનો કાર્યકાળ પૂરો થયા બાદ ટીમ ઈન્ડિયામાં જાેડાયો હતો. ટી૨૦ વર્લ્ડકપ ૨૦૨૪ બાદ પારસ મહામ્બ્રેની સાથે રાહુલ દ્રવિડ અને વિક્રમ રાઠોડનો કાર્યકાળ પણ સમાપ્ત થયો હતો. દ્રવિડ રાજસ્થાન રોયલ્સનો ભાગ બની ગયો છે. તેની સાથે રાજસ્થાનના બેટિંગ કોચ વિક્રમ રાઠોડ પણ જાેડાયા છે. એવી અપેક્ષા હતી કે પારસ મહામ્બ્રે પણ રાજસ્થાન રોયલ્સનો હિસ્સો બનશે પરંતુ જાણવા મળ્યું છે કે તે મુંબઈ ઈન્ડિયન્સમાં સામેલ થવા જઈ રહ્યો છે, જાે કે આ બાબતને લગતા અધિકારીઓએ કોઈ ટિપ્પણી કરી નથી, પરંતુ તેની પુષ્ટિ કરવામાં આવી છે. બે ટેસ્ટ અને ત્રણ વનડે રમી ચૂકેલા ૫૨ વર્ષીય મ્હામ્બ્રે આગામી સિઝન માટે એમઆઇ કેમ્પનો હિસ્સો હશે. પાંચ વખતની ચેમ્પિયન ટીમ પાસે પહેલાથી જ બોલિંગ કોચ તરીકે લસિથ મલિંગા છે અને આવી સ્થિતિમાં કામની વહેંચણી કેવી રીતે થશે તે જાેવું રસપ્રદ રહેશે. માહેલા જયવર્દને, વિશ્વભરની તમામ મુંબઈ ઇન્ડિયન્સ ટીમો સાથે સંકળાયેલા તમામ કોચના વડા - એમઆઇ અમીરાત, એમઆઇ કેપ ટાઉન અને એમઆઇ ન્યૂયોર્ક, ૨૦૨૦માં છેલ્લે આઇપીએલ ટાઇટલ જીતનાર મુંબઈ ઈન્ડિયન્સને સોંપવાની જવાબદારી સંભાળશે. ટીમ ૨૦૧૩ થી ૨૦૨૦ વચ્ચે ૫ વખત ચેમ્પિયન બની હતી. પરંતુ છેલ્લી ૪ સિઝનમાં એક પણ ટાઇટલ જીતવામાં સફળ રહી નથી. આ સમયગાળા દરમિયાન, ફ્રેન્ચાઇઝી ફક્ત એક જ વાર પ્લેઓફમાં પહોંચી શકી હતી. ગત સિઝનમાં રોહિત શર્માની જગ્યાએ હાર્દિક પંડ્યાને કેપ્ટન બનાવવામાં આવ્યો હતો. તેનાથી પણ કોઈ ફાયદો થયો ન હતો અને ટીમ ટેબલમાં છેલ્લા સ્થાને રહી હતી.