દિલ્હી-

હવે ગૂગલ પર પૂરની આગાહીની સૂચના મળશે. આ સૂચના બાદ લોકો તેમની સુરક્ષાને લઈને યોગ્ય નિર્ણય લઈ શકશે. ગૂગલે આ માટે સેન્ટ્રલ વોટર કમિશન સાથે કરાર કર્યા છે. આ મામલે ગૂગલ ઘણા મહિનાઓથી પહેલ કરી રહ્યું છે. આ પહેલ હેઠળ ગૂગલે દેશભરમાં પૂર અંગેની જાહેર સૂચનાઓ વિવિધ ક્ષેત્રોના લોકોને મોકલી.

ગૂગલે એક નિવેદનમાં જણાવ્યું કે, આ સૂચનાઓ લોકોને સમયસર, નવીનતમ અને મુખ્ય જાણકારીઓ આપે છે. આ નવી સુવિધા હેઠળ લોકો તેમના પરિવાર અને મિત્રોની સુરક્ષાને લઈને યોગ્ય નિર્ણય લઈ શકશે. કંપનીએ જણાવ્યું કે, પૂર પ્રભાવિત વિસ્તારોમાં એન્ડ્રોઈડ ફોનનો ઉપયોગ કરનારા તમામ નાગરિકોને આ સૂચનાઓ મળી. આ સૂચનાઓ મેળવવા માટે ફોનનું લોકેશન ચાલુ રહેવું જરૂરી છે.

ઉલ્લેખનિય છે કે, દેશના બિહાર, આસામ, કર્ણાટક સહિતના રાજ્યો દર વર્ષે પૂરનો સામનો કરતા રહે છે. આ પૂરના કારણે ત્યાંના રહેવાસીઓને ઘણી નુકસાની પણ વેઠવવી પડતી હોય છે. તો કેટલાક મોત પણ નિપજે છે. જોકે હવે ગૂગલની આ નવી સુવિધા હેઠળ પૂરની આગાહી સમયે સાવચેતી ભર્યા પગલા અને યોગ્ય નિર્ણય લેવાથી લોકો તેમના પરિવાર અને મિત્રોને સુરક્ષા માટે યોગ્ય નિર્ણય લઈ શકશે.



Comments

કોમેન્ટ પોસ્ટ કરવા માટે લાગિન કરો