અમદાવાદ- કોરોનાના કારણે શૈક્ષણિક સંસ્થાઓમાં અભ્યાસ તો અટવાઇ પડ્યો હતો સાથે પરીક્ષાઓ પણ અટવાઈ હતી. જેથી ઘણી બધી શૈક્ષણિક સંસ્થાઓએ અંતિમ વર્ષ સિવાય વિદ્યાર્થીઓને માસ પ્રમોશન આપવમાં આવ્યા હતા. પરંતુ જે વિદ્યાર્થીઓ માસ પ્રમોશનથી સંતુષ્ટ નથી અને તેઓએ પરીક્ષા આપવી છે તો તે માટે ગુજરાત ટેકનોલોજી યુનિવર્સિટીએ ખાસ આયોજન કર્યું છે. GTU એવી પહેલી યુનિવર્સિટી બની છે કે જેણે માસ પ્રમોશન મેળવનાર વિદ્યાર્થીઓ માટે ખાસ પરીક્ષા યોજી છે. ચાલુ વર્ષે કોવિડની પરિસ્થિતિના કારણે યુ.જી.સીની ગાઇડલાઇન મુજબ અંતિમ વર્ષના વિદ્યાર્થીઓ સિવાય માસ પ્રમોશન આપવામાં આવ્યા. જે સંદર્ભે જીટીયુના ડિગ્રી અને ડિપ્લોમાના વિદ્યાર્થીઓને તેમના અગાઉના વર્ષના પરિણામને ધ્યાને લઇ મેરીટ મુજબ આગળના સેમેસ્ટરમાં પ્રવેશ આપવામાં આવ્યો છે. જોકે GTUએ મેરીટ બેઝ પ્રમોશનથી સંતુષ્ટ ન હોય તેમને પરીક્ષા યોજી તેમનું પરિણામ સુધારવાની તક આપી છે. જે માટે આગામી 26મી ઓકટોબર પરીક્ષા યોજાશે. જેમાં સૌથી રસપ્રદ અને મહત્વની વાત એ છે કે માત્ર 600 જેટલા વિદ્યાર્થીઓએ જ આ પરીક્ષા આપવા માટે રસ દાખવ્યો છેય જિલ્લા પ્રમાણે 32 કેન્દ્ર પર આ પરીક્ષા ઓફલાઈન મોડમાં લેવાશે.  વડાપ્રધાન નરેન્દ્ર મોદી 24મી ઓક્ટોબરે દિલ્હીથી ગુજરાતના વિકાસ કાર્યોનો વર્ચ્યુઅલી શુભારંભ કરાવશે જીટીયુએ અંતિમ વર્ષના વિદ્યાથીઓની પરીક્ષા લીધી હતી. GTUના કુલપતિ ડો. નવીન શેઠે જણાવ્યું હતું કે ગુજરાતમાં GTU એવી પહેલી યુનિવર્સિટી છે કે જેણે માસ પ્રમોશન મેળવનાર વિદ્યાર્થીઓની ચિંતા કરી છે અને તેમને તેમનું રિઝલ્ટ સુધારવાની તક આપવામાં આવી છે. વિદ્યાર્થીઓ પોતે ઇચ્છી રહ્યા છે અને તેઓ વધુ સારા માર્કસ મેળવી શકશે તેવો તેમને વિશ્વાસ છે. કોરોના ના કારણે એકથી સાત સેમેસ્ટરના ડિગ્રી એન્જિનિયરિંગમાં 2 લાખ 60 હજાર અને ડિપ્લોમા એન્જિનિયરિંગના 3 લાખ 71 હજાર વિદ્યાર્થીઓને માસ મેરીટ બેઝ પ્રમોશન આપ્યું હતું. એટલે કે અંદાજે 5 લાખથી વધારે વિદ્યાર્થીઓમાંથી 600 જેટલા વિદ્યાર્થીઓએ પરીક્ષા આપવા તૈયારી દર્શાવી છે. જેમાં 400 ડિગ્રી અને 200 ડિપ્લોમા એન્જીનિયરિંગના વિદ્યાર્થીઓનો સમાવેશ થાય છે. આ વિદ્યાર્થીઓએ પરીક્ષા આપવાની તૈયારી બતાવી છે તો એ પ્રમાણે તેમની પરીક્ષા લેવી આવશ્યક છે.  મહત્વનું છે કે રાજ્યની મોટાભાગની યુનિવર્સિટીમાં છેલ્લા વર્ષ સિવાયના વર્ષમાં વિદ્યાર્થીઓને માસ પ્રમોશન આપવામાં આવ્યું છે. જોકે GTU દ્વારા વિદ્યાર્થીઓને કમિટમેન્ટ કરાયું હતું કે માસ પ્રમોશન વાળા વિદ્યાર્થીઓ ઇચ્છશે તો તેમની પણ પરીક્ષા લેવાશે. અને તે પ્રમાણે જ આ આયોજન કરાયું છે.

અમદાવાદ-કેન્દ્ર સરકારે ગુજરાતમાં રાજકોટ ખાતે એઈમ્સ (ઓલ ઈન્ડિયા ઈન્સ્ટિટ્યુટ ઓફ મેડિકલ સાયન્સ) શરૂ કરવાની મંજૂરી આપ્યા બાદ છેલ્લા એક વર્ષથી તૈયારી ચાલી રહી છે અને ચાલુ વર્ષે રાજકોટની એઈમ્સ ખાતે પ્રથમ બેચમાં ૫૦ વિદ્યાર્થીને પ્રવેશ પણ નીટના આધારે ફાળવાશે. હાલ દેશમાં ૧૬ જેટલી એઈમ્સ આવેલી છે અને વધુ ૯ એઈમ્સને મંજૂરી અપાઈ છે. જેમાં ગુજરાતની રાજકોટખાતેની એઈમ્સનો સમાવેશ થાય છે. હાલ યુજી-મેડિકલ એટલે કે એમબીબીએસની ૧૨૦૦થી વધુ બેઠકો વિવિધ એઈમ્સમાં છે. રાજકોટ ખાતે મંજૂર થયેલી એઈમ્સ આગામી બે વર્ષમાં સંપૂર્ણ રીતે તૈયાર થઈ જનાર છે પરંતુ હજુ સુધી બિલ્ડીંગ બન્યું ન હોવાથી હાલ હંગામી ધોરણે રાજકોટની સરકારી મેડિકલ કોલેજ હોસ્પિટલની જગ્યા-સુવિધાઓ વિદ્યાર્થીઓ સ્ટાફને ફાળવશે અને લેબ-કલાસરૂમની સુવિધા વિદ્યાર્થીઓ-સ્ટાફ સરકારી મેડિકલ કોલેજના ઉપયોગ કરશે. જો કે રાજકોટની એઈમ્સ ખાતે ફેકલ્ટી રીક્રુટમેન્ટની પ્રક્રિયા શરૂ કરી દેવાઈ છે. ચાલુ વર્ષે ૫૦ વિદ્યાર્થીઓને પ્રવેશ અપાશે.  આ વર્ષે તમામ એઈમ્સમાં પ્રવેશ માટે અલાયદી પરીક્ષાને બદલે નીટના આધારે પ્રવેશ થનાર છે. ત્યારે એઈમ્સની સેન્ટ્રલાઈઝ પ્રવેશ પ્રક્રિયામાં રાજકોટ ખાતે પણ પ્રવેશ ફાળવાશે બે વર્ષ સુધી બેંચ હંગામી ધોરણે અન્ય જગ્યાએ ચાલશે અને ત્યારબાદ શીફ્ટ કરાશે. દરમિયાન રાજકોટ મેડિકલ કોલેજના ડીન ગૌરવીબેન ધ્રુવે 'અબતક'ને જણાવ્યું હતું કે રાજકોટમાં એઇમ્સને કાર્યરત કરવા ઝડપભેર કાર્યવાહી હાથ ધરાઈ રહી છે. અહીંની એઇમ્સનું સંચાલન જોધપુર એઇમ્સ દ્વારા કરાશે. જોધપુર એઇમ્સના ડાયરેક્ટર સહિતની ટીમ તારીખ ૧૬,૧૭, અને ૧૮ ઓક્ટોબર કેમ ત્રણ દિવસ રાજકોટમાં આવી હતી અને એઇમ્સમાં પ્રવેશ મેળવવા ઇચ્છુકોના ઇન્ટરવ્યૂ લીધા હતા. ગૌરવબેન છે વધુમાં જણાવ્યું હતું કે હાલના દિવસોમાં સિવિલ હોસ્પિટલના બન્સ વોર્ડની પાછળ આવેલ બે માળના બિલ્ડિંગમાં એઇમ્સ કાર્યરત બનશે. આ માટે આ રીનોવેશન ચાલુ કરી દેવાયું છે. આગામી દિવાળી પછી વ્યવસ્થિત એઇમ્સ ધમધમતી થઇ જશે તેવી આશા છે. તેમણે એવું પણ જણાવ્યું હતું કે એનેટોમી, બાયો કેમેસ્ટ્રી અને ફિઝિઓલોજી એમ પ્રથમ વર્ષના ત્રણ વિષયોના ઇન્ટરવ્યૂ લેવામાં આવ્યા હતા. જેમાં ૧૪, ૧૫ જેટલા ઉમેદવારો પ્રોફેસર તેમજ એડિશનલ પ્રોફેસર, એસોસિયેટ પ્રોફેસર, આસિસ્ટન્ટ પ્રોફેસર તરીકે નિમણૂક પામ્યા છે.

ગાંધીનગર- બ્રાઉન ફીલ્ડ મેડીકલ કોલેજ સ્થાપવા અંગેની રાજ્ય સરકારની નીતિ અન્વયે કેન્દ્ર સરકારના રાષ્ટ્રીય મેડીકલ કમિશન દ્વારા ગુજરાતના ભરૂચમાં આવેલી ડો.કિરણ સી. પટેલ મેડીકલ કોલેજ અને રીસર્સ ઇન્સ્ટીટ્યુટે ભરૂચ ખાતે મેડીકલ કોલેજ સ્થાપવા માટે રાજ્ય સરકાર દ્વારા દરખાસ્ત કરી હતી. જે અન્વયે ભરૂચ ખાતે નવી મેડીકલ કોલેજ સ્થાપવા માટે કેન્દ્ર સરકારે 150 બેઠકો સાથે મંજૂરી આપી છે.નાયબ મુખ્ય પ્રધાન નીતિન પટેલે આ અંગે વધુ વિગતો આપતા જણાવ્યુ હતું કે, ભરૂચની હયાત સિવિલ હોસ્પિટલનું અપગ્રેડેશન કરીને ખૂટતા સાધનો તથા મેડીકલ કાઉન્સિલ ઓફ ઇન્ડિયાના ધારાધોરણ મુજબની સગવડો ઉપલબ્ધ કરાવીને પ્રથમ તબક્કે 300 પથારીની સુવિધા ઉપલબ્ધ બનશે. જેનો લાભ ભરૂચ જિલ્લાના તથા અન્ય દર્દીઓને મળશે. પટેલે વધુમાં જણાવ્યું હતું કે, હાલ રાજ્યના વિવિધ જિલ્લાઓમાં 34 મેડીકલ કોલેજો કાર્યરત છે. ભરૂચ ખાતે આ નવી મેડીકલ કોલેજના નિર્માણ થકી 150 બેઠકો ઉમેરાતા હવે રાજ્યમાં 6150 જેટલી તબીબી શિક્ષણ માટેની બેઠકો ઉપલબ્ધ બનશે. અત્રે ઉલ્લેખનીય છે કે અગાઉ રાજ્યના નર્મદા જિલ્લામાં રાજપીપળા ખાતે 100 બેઠકો સાથેની નવી કોલેજને મંજૂરી મળેલ છે. ત્યારે રાજપીપળાની નજીકના ભરૂચ જિલ્લામાં વધુ 150 બેઠકોની નવી મેડીકલ કોલેજ મળતાં આસપાસના વિસ્તારના અને ખાસ કરીને આદિવાસી સમાજના નાગરિકોને વધુ સારી આરોગ્ય વિષયક સેવાઓ ઝડપથી મળી શકશે.

દિલ્હી-ઇન્સ્ટિટ્યૂટ ઓફ ચાર્ટર્ડ એકાઉન્ટન્ટ્સ ઓફ ઇન્ડિયાએ હવે વર્ગ 10 ના વિદ્યાર્થીઓને ચાર્ટર્ડ એકાઉન્ટન્સી (સીએ) ફાઉન્ડેશન કોર્સ 2020 માટે પ્રોવિઝનલ રજિસ્ટ્રેશન માટે અરજી કરવાની મંજૂરી આપી છે. રુચિ ધરાવતા ઉમેદવારો આ અંગેની સંપૂર્ણ વિગતો આઈસાઈઆઈ.આર.જી.ની મુલાકાત લઈને વાંચી શકે છે. આઇસીએઆઈ દ્વારા રજૂ કરવામાં આવેલી નવી જોગવાઈ હેઠળ, વર્ગ 10 ના વિદ્યાર્થીઓ હવે સીએ ફાઉન્ડેશન કોર્સ 2020 માટે અરજી કરી શકે છે. પહેલાં, આ ગોઠવણી ફક્ત તે જ ઉમેદવારોની હતી કે જેમણે તેમની વર્ગ 12 ની પરીક્ષા પાસ કરી હતી. આઈસીએઆઈના પ્રમુખ અતુલકુમાર ગુપ્તાએ જણાવ્યું હતું કે સંસ્થાને તાજેતરમાં ચાર્ટર્ડ એકાઉન્ટન્ટ્સ રેગ્યુલેશન્સ, 1988 ની રેગ્યુલેશન્સ 25 ઇ, 25 એફ અને 28 એફમાં સુધારો કરવા માટે ભારત સરકારની મંજૂરી મળી છે. આ મુજબ, હવે વર્ગ 10 ની પરીક્ષાઓ પાસ કર્યા પછી, ઉમેદવારો આઇસીએઆઈના ફાઉન્ડેશન કોર્સમાં પ્રોવિઝનલ નોંધણી કરાવી શકે છે.