ઇલેક્ટ્રિક કોમર્શિયલ વાહનોના વેચાણમાં પણ ૫૨ ટકાની વૃદ્ધિ થઈ

તહેવારોની સીઝન પહેલાંઈલેક્ટ્રિક વાહનોના વેચાણમાં વધારો જોવા મળ્યો છે. ફેડરેશન ઓફ ઓટોમોબાઈલ ડીલર્સ એસોસિએશન અનુસાર ગત વર્ષના જુલાઈની સરખામણીમાં આ વર્ષે જુલાઈમાં ઇલેક્ટ્રિક પેસેન્જર વાહનોના વેચાણમાં ૯૩ ટકાનો વધારો નોંધાયો છે.

આ આંકડા ફક્ત ઓટો ઉદ્યોગ માટે જ નહીં પરંતુ ગ્રીન મોબિલિટીના ભવિષ્ય માટે પણ મોટો સંકેત આપી રહ્યા છે. ફાડાના આંકડા અનુસાર જુલાઈમાં કુલ ૧૫,૫૨૮ ઇલેક્ટ્રિક પેસેન્જર વાહનો નોંધાયા હતા, જ્યારે ગત વર્ષના આ જ મહિનામાં વેચાણનો આંકડો ૮૦૩૭ હતો. ટાટા મોટર્સે આ સેગમેન્ટમાં પ્રભુત્વ મેળવ્યું હતું. જુલાઈમાં ૬૦૪૭ યુનિટ વેચાયા હતા. ગત વર્ષે જુલાઈમાં ૫૧૦૦ યુનિટ કરતાં ૧૯ ટકા વધુ છે.

પેસેન્જર ઈવી સેગમેન્ટે રેકોર્ડબ્રેક પ્રદર્શન કર્યું હોવા છતાં આ વખતે ઇલેક્ટ્રિક ટુ-વ્હીલર માર્કેટમાં થોડો ઘટાડો જોવા મળ્યો છે. જુલાઈ, ૨૦૨૫માં આ કેટેગરીનું કુલ વેચાણ લગભગ ૪ ટકા ઘટીને ૧,૦૨,૯૭૩ યુનિટ રહ્યું, જે ગત વર્ષે જુલાઈમાં ૧,૦૭,૬૫૫ યુનિટ હતું. જુલાઈ ૨૦૨૫માં ઇલેક્ટ્રિક થ્રી-વ્હીલર માર્કેટમાં વાર્ષિક ૯ ટકા વૃદ્ધિ નોંધાઈ છે અને તેમાં કુલ ૬૯,૧૪૬ યુનિટ નોંધાયા છે. મહિન્દ્રા ગુ્રપે આ સેગમેન્ટમાં પ્રભુત્વ મેળવ્યું છે અને કુલ ૯૭૬૬ યુનિટ વેચ્યા છે, જે વાર્ષિક દ્રષ્ટિએ ૪૦ ટકા વધુ છે.