મુંબઈ-

રેપર અને ગાયક ‘યો યો હની સિંહ’ એટલે કે હ્રદેશ સિંહ સામે તેની પત્ની શાલિની તલવારે ઘરેલુ હિંસાનો કેસ દાખલ કર્યો છે. હની સિંહની પત્નીએ આ કેસ દિલ્હીની તીસ હજારી કોર્ટમાં દાખલ કર્યો છે. શાલિનીએ તેના પતિ હની સિંહ વિરુદ્ધ દિલ્હીની તીસ હજારી કોર્ટમાં ‘ઘરેલુ હિંસાથી મહિલાઓનું રક્ષણ એક્ટ 2005’ હેઠળ અરજી દાખલ કરી છે. આ કેસ તીસ હજારી કોર્ટના ચીફ મેટ્રોપોલિટન મેજિસ્ટ્રેટ તાનિયા સિંહ સમક્ષ આજે એટલે કે 3 ઓગસ્ટના રોજ નોંધવામાં આવ્યો હતો. શાલિની દ્વારા કેસ નોંધાયા બાદ મેટ્રોપોલિટન મેજિસ્ટ્રેટ તાનિયા સિંહ દ્વારા ગાયક અને અભિનેતા હની સિંહને નોટિસ આપવામાં આવી છે. હની સિંહને નોટિસ જારી કરીને, આ મામલે તેમનો જવાબ બોલાવવામાં આવ્યો છે. ઇન્ડિયા ટુડેના એક અહેવાલ અનુસાર, હની સિંહની પત્ની શાલિના તલવાર વતી વકીલ સંદીપ કપૂર, અપૂર્વ પાંડે અને જીજી કશ્યપ હાજર રહ્યા હતા. તેણે મેજિસ્ટ્રેટ સમક્ષ તેના ક્લાયન્ટ દ્વારા દાખલ કરવામાં આવેલી ફરિયાદ કોર્ટમાં રજૂ કરી હતી. ત્યારબાદ કોર્ટે હની સિંહને નોટિસ પાઠવીને 28 ઓગસ્ટ સુધીમાં તેનો જવાબ દાખલ કરવાનો નિર્દેશ આપ્યો હતો.


Comments

કોમેન્ટ પોસ્ટ કરવા માટે લાગિન કરો