અમદાવાદ-

નેશનલ ક્રાઈમ રેકોર્ડસ બ્યુરો (એનસીઆરબી)ના રિપોર્ટ મુજબ ગુજરાતમાં 2019માં 993 કેસોમા 1034 માણસોની હત્યા થઈ હતી. આ આંકડો સૂચવે છે કે દરરોજ સરેરાશ 3 વ્યક્તિની હત્યા કરવામાં આવે છે. હકારાત્મક વાત એ છે કે 2018ની સંખ્યામાં ગત વર્ષે હત્યાના કેસોમાં થોડો ઘટાડો થયો છે. 2018માં 1072 એફઆઈઆર દર્જ થઈ હતી, એ આંકડો 2012માં 7% ઘટી 996 થયો હતો. અમદાવાદ અને સુરત બન્નેમાં કલમ 302 નીચે નોંધાયેલી એફઆઈઆરમાં અનુક્રમે 17% અને 10%નો ઘટાડો થયો હતો. 

રિપોર્ટ મુજબ, 44% હત્યા પારિવારિક કલહ (106), નાણાકીય ઝઘડા (80) અને પ્રોપર્ટીના વિવાદ (41)ના કારણે થઈ હતી. પાણીની માથાકુટના કારણે 4 લોકોના જીવ ગયો હતો, જયારે નાની અમથી બાબતોના કારણે 228 હત્યા થઈ હતી. રાજયમાં જાદુટોના-મંત્રતંત્રના કારણે ત્રણની હત્યા થઈ હતી. રોડ રેજ (રસ્તા પર વાહન ચલાવવા બાબતે માથાકુટ-મારામારી)માં એક હત્યા થઈ હતી અને દહેજના કારણે 3 હત્યા થઈ હતી. 

હત્યાનો ભોગ બનેલા લોકોના વિશ્લેષણ મુજબ 87 અથવા 8.4% કમભાગીયો 18 વર્ષથી નીચેની વયના હતા. બીજી બાજુ 71 આરોપીઓ તરુણો હતા. હત્યા થયેલા લોકોમાં 65 સીનીયર સીટીઝન હતા. 31 મર્ડર કેસમાં પોલીસે એટ્રોસીટીની જોગવાઈનો પણ ઉપયોગ કર્યો હતો.


Comments

કોમેન્ટ પોસ્ટ કરવા માટે લાગિન કરો