જકાર્તા-

ઇન્ડોનેશિયાના બાન્ટેન પ્રાંતની જેલમાં આગ લાગી હતી. જેમાં 41 ડ્રગ કેદીઓના મોત થયા હતા અને 39 કેદીઓ ઘાયલ થયા હતા. કાયદા અને માનવાધિકાર મંત્રાલયના જેલ વિભાગના પ્રવક્તા રિકા એપ્રીયંતીએ આ વાતની પુષ્ટિ કરી હતી.

તેમણે કહ્યું કે આગ લાગવાના કારણની તપાસ કરવામાં આવી રહી છે. તેમણે કહ્યું કે બુધવારે સવારે 1 થી 2 ની વચ્ચે આગ લાગી હતી. અધિકારીઓ હજુ પણ જેલને ખાલી કરવા માટે કામ કરી રહ્યા છે. થોડા કલાકો બાદ આગ કાબૂમાં આવી હતી અને તમામ ઘાયલોને તાત્કાલિક હોસ્પિટલમાં ખસેડવામાં આવ્યા હતા. 

પ્રવક્તાએ જણાવ્યું હતું કે અધિકારીઓ હજુ પણ જકાર્તાની હદમાં આવેલી તાંગરેંગ જેલના બ્લોક સીમાં આગ લાગવાના કારણોની તપાસ કરી રહ્યા છે, જે ડ્રગ અપરાધીઓ માટે નિયુક્ત છે.

તમને જણાવી દઈએ કે ટંગરંગ જેલને નિયંત્રિત કરવા માટે સેંકડો પોલીસ અને સૈનિકો તૈનાત કરવામાં આવ્યા છે. જેલની રચના 1,225 કેદીઓ માટે કરવામાં આવી હતી, પરંતુ તેમાં 2,000 થી વધુ કેદીઓ છે. અપ્રિયાંતીએ કહ્યું કે જ્યારે આગ ફાટી નીકળી ત્યારે બ્લોક C 122 સજા પામેલા કેદીઓથી ભરેલો હતો.

ઇન્ડોનેશિયામાં જેલબ્રેક અને રમખાણોને કારણે આગ સામાન્ય છે. અહીંની જેલોમાં ભીડ પણ એક સમસ્યા બની ગઈ છે અને જેલો ભંડોળના અભાવે સંઘર્ષ કરી રહી છે. ગેરકાયદેસર દવાઓ સામેના અભિયાનમાં અહીં મોટી સંખ્યામાં લોકોની ધરપકડ કરવામાં આવી છે.


Comments

કોમેન્ટ પોસ્ટ કરવા માટે લાગિન કરો