લોકસત્તા ડેસ્ક

અત્યાર સુધી તમે બટાકા પોસ્તો વિશે સાંભળ્યુ હશે પણ શુ તમે રીંગણને પોસ્તોની જેમ નવી રીતે બનાવી જોયા છે ? આ સ્વાદમાં ખૂબ જ ટેસ્ટી હોય છે. 

સામગ્રી - 250 ગ્રામ રીંગણ (મીડિયમ સાઈઝના) 

પેસ્ટ બનાવવા માટે -

1 ટેબલસ્પૂન પોસ્તો (ખસખસ) 

1/2 ટી સ્પૂન વરિયાળી

1/2 ટી સ્પૂન મગફળી (સેકેલી)

1 ડુંગળી

1 ટામેટુ

1 ઈંચ આદુનો ટુકડો

5-6 લસણની કળી

3-4 લીલા મરચા

અન્ય સામગ્રી - 

1/2 ટી સ્પૂન હળદર

1.1/2 ટી સ્પૂન ધાણા જીરુ

1 ટી સ્પૂન જીરા પાવડર

1/2 ચમચી લાલ મરચુ

મીઠુ સ્વાદ મુજબ

તેલ જરૂર મુજબ

બનાવવાની રીત - સૌ પહેલા એક મિક્સર જારમાં બધી વસ્તુઓ નાખીને તેનુ પેસ્ટ બનાવી લો. 

- મીડિયમ તાપ પર તેલ ગરમ કરવા મુકો

- તેલ ગરમ થતા જ તૈયાર પેસ્ટ નાખીને સારી રીતે સેકો

- હળદર, લાલ મરચુ, ધાણા જીરુ અને જીરા પાવડર મિક્સ કરો

- જ્યારે મસાલા તેલ છોડવા માંડે ત્યારે તેમા રીંગણ અને મીઠુ નાખીને સારી રીતે મિક્સ કરો.

- રીંગણ થોડા સેકાતા જ થોડુ પાણી નાખીને તાપ ધીમો કરી ઢાંકીને પકવો.

- વચ્ચે વચ્ચે ચેક કરતા રહો કે રીંગણ ચોટે નહી

- જ્યારે રીંગણ પુરા બફાય જાય અને મસાલા સાથે મિક્સ થઈ જાય ત્યારે તાપ બંધ કરો.

- તૈયાર છે બેંગન પોસ્તો... ગરમાં ગરમ ભાત કે પરાઠા સાથે સર્વ કરો.