મુંબઇ 

નિકાહ સેરેમની બાદ નવદંપતી ગૌહર અને ઝૈદનું મ્યૂઝિકલ અંદાજમાં સ્વાગત કરવામાં આવ્યું હતું. પરિવારના સભ્યોએ સાથે મળીને 'તું જો મિલા' સોન્ગ ગાયું હતું.  બિગ બોસ 7ની વિનર ગૌહર ખાન અને ઝૈદ દરબારે 25મી ડિસેમ્બરે નજીકના મિત્રો અને પરિવારના સભ્યોની હાજરીમાં ધામધૂમથી લગ્ન કર્યા. અન્ય લગ્નની જેમ આ કપલના લગ્નમાં પણ ભારે ઉત્સાહ અને ખુશીનું વાતાવરણ જોવા મળ્યું હતું. બંનેના લગ્ન થયા ત્યારથી તેમના પ્રી-વેડિંગ ફંક્શન તેમજ લગ્નની તસવીરો-વીડિયો સોશિયલ મીડિયા પર શેર કરી રહ્યા છે. 

નિકાહ સેરેમની બાદ, નવદંપતીનું તેમના પરિવારજનો અને મિત્રો દ્વારા મ્યૂઝિકલ વેલકમ કરવામાં આવ્યું હતું. જેનો વીડિયો સામે આવ્યો છે. વીડિયોમાં જોઈ શકાય છે કે, ગૌહર અને ઝૈદ જેવા અંદર પ્રવેશે છે કે તરત પરિવારના સભ્યો ફુલોથી તેમને વધાવી લે છે અને બાદમાં 'બજરંગી ભાઈજાન'નું સોન્ગ 'તું જો મિલા' સોન્ગ વાગે છે. દરેકને સોન્ગ ગાતા જોઈને ગૌહર અને ઝૈદ પણ જોડે ગાવા લાગે છે. આ વીડિયો વાલીમા ફંક્શન દરમિયાનનો છે. જે મુસ્લિમ ધર્મમાં નિકાહ સેરેમની બાદ યોજવામાં આવે છે. ઝૈદએ બોલિવુડ મ્યૂઝિક કમ્પોઝર ઈસ્માઈલ દરબારનો દીકરો છે, તેથી તેમના દરેક ફંક્શન મ્યૂઝિકલ રહ્યા હતા. અગાઉ, ઈસ્માઈલ દરબારે કપલની મહેંદી સેરેમનીમાં પણ કેટલાક સોન્ગ ગાયા હતા.