બોટાદ બોટાદમાં વાસી ઉત્તરાયણના દિવસે પતંગ લૂંટવા ગયેલી એક ફૂલ જેવી માસૂમ બાળા ઉપર બોટાદના શિવનગરમાં રહેતા હવસખોર શખ્સે હેવાનિયતની હદ વટાવી બળાત્કાર ગુજારી ર્નિદયતાપૂર્વક હત્યા કરી નાંખી હતી. આ ઘટનાએ સમગ્ર ગુજરાતમાં જવાલારૂપી રોષ ભભુકી ઉઠયો છે.ત્યારે પોલીસે પણ ઘટનાની ગંભીરતાને ધ્યાનમાં લઈ ત્રણ ટીમ બનાવી ગણતરીના કલાકોમાં જ હવસખોર નરાધમ શખ્સને દબોચી લીધો હતો. બોટાદ ખાતે માત્ર ૯ વર્ષની ફુલ જેવી બાળકી પર બળાત્કાર ગુજારી હત્યા કરનાર બળાત્કારી વિરૂધ્ધ કાયદાકીય સખ્તમાં સખ્ત આજીવન કેદની અથવા ફાસીની સજા આપી ન્યાય આપવા જુનાગઢ જિલ્લાના દેવી પૂજક સમાજમાં રોષની જવાળા ભભુકી ઉઠી છે. જૂનાગઢના વોર્ડ નંબર કોર્પોરેટર ચેતનાબેન ચુડાસમાએ જણાવ્યું હતું કે બોટાદમાં નરાધમ દ્વારા બાળકી પર જે ગુજારવામાં આવ્યો છે તે અતિ નિંદનીય છે અને આવા લોકોને ફાંસીની સજા કરતા પણ વધુ આકરી સજા આપવી જાેઈએ આવા બળાત્કારીઓને જાહેરમાં પ્રજાની વચ્ચે કડકમાં કડક સજા કરવી જાેઈએ કે આ સજાને જાેઈ આવું કૃત્ય કરતા પહેલા કોઈપણ વ્યક્તિ આવું પગલું ભરે નહિ.


Comments

કોમેન્ટ પોસ્ટ કરવા માટે લાગિન કરો