ગાંધીનગર, વાઈબ્રન્ટ ગુજરાત ગ્લોબલ સમિટ-૨૦૨૨ પૂર્વે આજે ગાંધીનગર ખાતે મુખ્યમંત્રી ભૂપેન્દ્ર પટેલની ઉપસ્થિતિમાં વિવિધ ઉદ્યોગકારો, સાહસિકો અને એકમો સાથે ૨૦ જેટલા એમઓયુ કરવામાં આવ્યા હતા. જેના થકી રાજ્યમાં રૂપિયા ૨૪૧૮૫ કરોડથી વધુના રોકાણ માટેની સમજૂતી કરાર ઉપર હસ્તાક્ષર કરવામાં આવ્યા હતા. વડાપ્રધાન નરેન્દ્ર મોદી દ્વારા શરૂ થયેલ વાઈબ્રન્ટ ગુજરાત ગ્લોબલ સમિટ ઉત્તરોત્તર નવા રેકોર્ડ સ્થાપી સ્થાપી રહી છે. વાયબ્રન્ટ સમિટને કારણે ગુજરાત વૈશ્વિક બિઝનેસ હબ બનવા તરફ આગળ વધી રહ્યું છે. આગામી વર્ષેના પ્રારંભે ૧૦મી વાઈબ્રન્ટ ગુજરાત ગ્લોબલ સમિટ-૨૦૨૨ યોજાનાર છે. ત્યારે આજે મુખ્યમંત્રી ભૂપેન્દ્ર પટેલ તેમજ ઉદ્યોગ રાજ્ય મંત્રી જગદીશ પંચાલની ઉપસ્થિતિમાં વિવિધ ઉદ્યોગપતિઓ, સાહસિકો અને એકમો સાથે નવા એકમો શરુ કરવા માટેના એમઓયુ કરવામાં આવ્યા હતા. આ એમઓયુ થયા બાદ મુખ્યમંત્રી ભૂપેન્દ્ર પટેલે જણાવ્યું હતું કે, આગામી જાન્યુઆરી-૨૦૨૨માં યોજાનારી આ સમિટ આર્ત્મનિભર ગુજરાતથી આર્ત્મનિભર ભારતની પ્રગતિ અને સફળતાની ગાથાને વધુ ગતિથી આગળ વધારશે. ગુજરાતને ગ્લોબલ ડેસ્ટીનેશન ફોર ઇન્વેસ્ટમેન્ટ તરીકે પ્રસ્થાપિત કરી રહેલી આ વાયબ્રન્ટ સમિટની ૧૦મી શ્રૃંખલાના પ્રારંભ પૂર્વે આજે ગુજરાત સરકારે રૂ. ૨૪ ૧૮૫.૨૨ કરોડના સૂચિત મૂડીરોકાણ માટે ૨૦ જેટલા સ્ર્ંેં (મેમોરેન્ડમ ઑફ અંડરસ્ટેન્ડિંગ) પર હસ્તાક્ષર કર્યા હતા. આ મૂડીરોકાણ દ્વારા રાજ્યમાં અંદાજે ૩૬,૯૨૫ જેટલી રોજગારની નવી તકો ઊભી થશે.મુખ્યમંત્રી ભૂપેન્દ્ર પટેલે જણાવ્યું હતું કે, વડાપ્રધાન નરેન્દ્ર મોદીએ ગુજરાતના વૈશ્વિક વિકાસનો જે પાયો આ સમિટથી નાખ્યો છે. તેના પરિણામે આજે ગુજરાત દેશ અને દુનિયાના રોકાણકારો માટે એક સક્ષમ માધ્યમ બન્યું છે.મુખ્યમંત્રીએ વધુમાં જણાવ્યું હતું કે, રાજ્ય સરકાર પણ નરેન્દ્ર મોદીના પદચિન્હો પર ચાલીને સકારાત્મક બિઝનેસ પોલિસી તથા પ્રોત્સાહક વાતાવરણથી વધુને વધુ ઉદ્યોગો રાજ્યમાં આવે તે માટે પ્રતિબદ્ધ છે.