ફ્લોરિડા

રવિવારે ફ્લોરિડાના મિયામીમાં એક કોન્સર્ટની બહાર એક ટોળા પર અંધાધૂંધ ગોળીબારમાં બે લોકો માર્યા ગયા અને ઓછામાં ઓછા ૨૦ ઘાયલ થયા. ફાયરિંગની ઘટના રવિવારે વહેલી સવારે મિયામી ગાર્ડન નજીક બની હતી. મિયામી પોલીસે અહેવાલ આપ્યો કે આ સ્થળે એક કોન્સર્ટ ચાલી રહી હતી અને ઘણા લોકો એકઠા થયા હતા.

ત્યાં ત્રણ લોકો ફાયરિંગ કરી રહ્યા હતા અને તેઓ નિસાન પાથફાઇન્ડર એસયુવી તરફથી આવ્યા હતા. ફાયરિંગ કર્યા બાદ તેઓ એક જ કારમાં ભાગી છૂટ્યા હતા. મિયામી પોલીસ વિભાગના ડિરેક્ટર, આલ્ફ્રેડો ફ્રેડ્ડીએ એક ટવીટમાં ટાર્ગેટ ફાયરિંગની કાયર ઘટનાની નિંદા કરી છે. તેમણે કહ્યું કે ઘાયલોને હોસ્પિટલમાં દાખલ કરવામાં આવ્યા છે.

યુ.એસ. માં છેલ્લા એક વર્ષમાં આ પ્રકારના ગોળીબારના બનાવો વધ્યા છે. શાળાઓ, કચેરીઓ અથવા શોપિંગ સેન્ટરો ઘણીવાર આવી ઘટનાઓ માટે લક્ષ્યાંક બને છે. ગયા વર્ષે યુ.એસ. માં બંદૂકની હિંસામાં ૪૩,૦૦૦ થી વધુ લોકોનાં મોત નીપજ્યાં હતાં. જેમાં આત્મહત્યાના કેસો શામેલ છે.

અમેરિકી રાષ્ટ્રપતિ જો બિડેને ગયા મહિને કહ્યું હતું કે બંદૂકો દ્વારા થતી હિંસા રોગચાળા જેવી છે અને આંતરરાષ્ટ્રીય શરમનો મુદ્દો છે.


Comments

કોમેન્ટ પોસ્ટ કરવા માટે લાગિન કરો