દિલ્હી-

ચૂંટણીપંચે બિનનિવાસી ભારતીયો પોસ્ટલ બેલટના માધ્યમ દ્વારા ચૂંટણીમાં મતદાન કરી શકે તે માટે કેન્દ્ર સરકારને પ્રસ્તાવ મોકલ્યો છે. આ એક એવું પગલું છે જેને કંડક્ટ ઓફ ઇલેક્શન રુલ્સ 1961ના સંશોધનના માધ્યમથી લાગુ કરી શકાય છે. તેના માટે સંસદની મંજૂરીની પણ જરૂર નહીં પડે.

અહેવાલ મુજબ ચૂંટણીપંચે છેલ્લા એક અઠવાડિયામાં કાયદા મંત્રાલયને જણાવ્યું હતું કે આગામી વર્ષે યોજાનારી અસમ, પશ્ચિમ બંગાળ, કેરળ, તમિલનાડુ અને પુડુચેરીમાં વિધાનસભા ચૂંટણી દ્વારા એનઆરઆઇ મતદાતાઓને ઇલેક્ટ્રોનિક સ્વરૂપમાં પ્રેષિત પોસ્ટલ બેટલ સિસ્ટમનો વિસ્તાર કરવા માટે ટેકનિકલ રીતે વહીવટી અને ટેકનિકલ સ્વરૂપમાં પંચ તૈયાર છે. હાલમાં વિદેશમાં રહેતા ભારતીય મતદારો ફક્ત સંલગ્ન મતવિસ્તારોમાં જ પોતાનો મત નાખી શકે છે.

અહેવાલ મુજબ વિદેશમાં રહેતા ભારતીયોની સંખ્યા એક કરોડ ઉપર છે. તેમાથી લગભગ 60 લાખ જેટલા લોકો મતદાનને પાત્ર હોઈ શકે છે. આ ઇટીપીબીએસ હાલમાં ફક્ત સર્વિસ મતદાતાઓ માટે જ ઉપલબ્ધ છે. આ પ્રણાલિ હેઠળ પોસ્ટલ મતપત્રોને ઇલેક્ટ્રોનિક સ્વરૂપમાં મોકલવામાં આવે છે અને સાધારણ મેઇલના માધ્યમથી પરત કરવામાં આવે છે.

અહેવાલમાં કહેવામાં આવ્યું છે કે વિદેશમાં રહેતા એનઆરઆઇને આ સગવડ પૂરી પાડવા માટે ફક્ત કંડક્ટ ઓફ ઇલેક્શન્સ રુલ્સ ૧,૯૬૧માં સંશોધન કરવાની જરૂર છે. આમાટે સંસદની મંજૂરીની જરૂર નહીં હોય. ચૂંટણીપંચના પ્રસ્તાવમાં કહેવામાં આવ્યું છે કે પોસ્ટલ બેલટ દ્વારા મતદાન કરવા ઇચ્છુક કોઈપણ એનઆરઆઇને ચૂંટણીની સૂચના પછી ઓછામાં ઓછા પાંચ દિવસમાં રિટર્નિંગ ઓફિસર (આરઓ)ને જણાવવું પડશે.