ભાવનગર-

શહેરમાં રેપીડ ટેસ્ટ કિટોની રોજની ૫ હજારથી લઈને ૧૦ હજાર સુધીની જરૂરિયાત છે. તેવામાં ભાવનગર મહાનગરપાલિકા આજે ૯ એપ્રિલના રોજ રેપીડ ટેસ્ટ કરી શકશે નહીં. કારણ કે, રોજ ૪૪ સ્થળે રેપીડ ટેસ્ટ કરવામાં આવે છે. ૧ લાખ કીટ મંગાવી છે જે ૧૦થી ૨૦ દિવસ ચાલી શકે છે પણ આ કીટ ક્યારે આવશે તે પ્રશ્ન છે. જાે કે સરકાર ક્યાંક અછત ઉભીં કરીને લોકોને સ્વયંભૂ ખર્ચ કરવાની આદત તો નથી પાડી રહીને?

ભાવનગર શહેરમાં રેપીડ ટેસ્ટ વધારવા માટે મહાનગરપાલિકાએ અનેક સેન્ટરો શરૂ કર્યા હતા. શહેરમાં ૧૩ સેન્ટર સહિત શહેરના જાહેર સર્કલો અને ચોકમાં લોકોના ટેસ્ટ કરવામાં આવતા હતા. રોજના ૫ હજારથી વધુ રેસ્ટ થવાને પગલે રેપીડ ટેસ્ટ કીટ ખાલી થઈ ગઈ છે. ૪૪ સ્થળો ઉપર રેપીડ ટેસ્ટ કરવામાં આવતા હતા જેમાં ૫ હજાર કીટ પણ ઓછી પડતી હતી. કારણ કે, ૪૪ સ્થળોમાં સાવરથી શરૂ કરતાં બે કે ત્રણ કલાકમાં કીટ ખાલી થઈ જતી હતી.

ભાવનગર મહાનગરપાલિકા હેઠળ ચાલતી રેપીડ ટેસ્ટ કામગીરીમાં ૪૪ સ્થળો હતા. જેમાં રોજની ૫ હજાર કીટ આપવામાં આવતી હતી. ત્યારે મહાનગરપાલિકાના આરોગ્ય અધિકારી આર. કે. સિન્હા સાથે વાતચીત કરતા તેમને જણાવ્યું, ગઈ કાલે પાંચ હજાર કીટ જે આખી ખાલી થઈ ગઈ છે. ૧૦ હજાર આપો તો પણ ઓછી પડે છે આજે ૯ એપ્રિલના રોજ ૧ લાખ કીટ મંગાવી છે, તે આવ્યા બાદ રેપીડ ટેસ્ટ શરૂ થશે. અધિકારીએ સ્પષ્ટ કર્યું છે કે, આજે કીટ મંગાવી છે એટલે કે ૯ એપ્રિલના રોજ કીટ ક્યારે આવે તેના પર આધાર છે. બપોર બાદ કે સાંજે આવે તો પણ રેપીડ ટેસ્ટ કાલથી જ શરૂ થઈ શકે છે એટલે આજે રેપીડ ટેસ્ટ થશે નહીં. અધિકારીના જણાવ્યા પ્રમાણે ૫થી ૧૦ હજાર કીટ એક દિવસમાં જાેઈએ છે, તો મંગાવેલી ૧ લાખ કીટ ૧૦થી ૨૦ દિવસ માંડ ચાલશે તે નિશ્ચિત છે.

ભાવનગર શહેરમાં રેપીડ ટેસ્ટની કીટ ખાલી થઈ ગઈ છે, એટલે કે રેમડેસિવીર ઇંજેક્શન જેમ હવે લોકોને રેપીડ ટેસ્ટ માટે પોતે ખર્ચ કરવો પડે તેવી સ્થિતિ સર્જાઈ છે કીટ ખાલી થઈ ગઈ છે અને રોજની ૫થી ૧૦ હજારની કીટની જરૂરિયાત છે. સરકાર વાતો મોટી કરે છે પણ પરિસ્થિતિનું સર્જન એવું થાય છે લોકોને પોતાના ખર્ચે રેપીડ ટેસ્ટ કરાવવો પડશે કારણ કે, આ તો સરકાર છે અને લોકોને પોતાના સ્વાસ્થ્ય માટે રેપીડ ટેસ્ટ કીટની રાહ જાેવી સંભવ નથી.