ગાંધીનગર

સરકારી નોકરીની તૈયારીઓ કરતા વિદ્યાર્થીઓ માટે ખુશખબર મળી રહ્યા છે. માહિતી ખાતાની વર્ગ-૧,૨ અને ૩ની પરીક્ષાની નવી તારીખ જાહેર કરવામાં આવી છે. જેના કારણે હવે આગામી ૨૭મી જૂને પરીક્ષા યોજાશે. કોરોનાની બીજી લહેરના કારણે માહિતી ખાતાની વર્ગ-૧,૨ અને ૩ની પરીક્ષા મોકૂફ રાખવામાં આવી હતી. જેની નવી તારીખ જાહેર કરવામાં આવી છે. હવે પરીક્ષા આગામી ૨૭ જૂનના રોજ યોજાશે. માહિતી નિયામક કચેરી હસ્તકની નાયબ માહિતી નિયામક, વર્ગ-૧, સહાયક માહિતી નિયામક(સંપાદન) વર્ગ-૨ની જાહેરાત અને સિનિયર સબ ઓડિટર(વર્ગ-૩) તથા માહિતી મદદનીશ, વર્ગ-૩ની પ્રિલિમિનરી પરીક્ષા યોજાવાની છે, ત્યારે કોલલેટર ડાઉનલોડની સૂચના હવે મુકાશે.

માહિતી નિયામક કચેરી હસ્તકની નાયબ માહિતી નિયામક, વર્ગ-૧, સહાયક માહિતી નિયામક(સંપાદન) વર્ગ-૨ની જાહેરાત ક્રમાંકઃ૨/૨૦૨૦-૨૧ અને સિનિયર સબ ઓડિટર(વર્ગ-૩) તથા માહિતી મદદનીશ, વર્ગ-૩ની જાહેરાત ક્રમાંકઃ ૧/૨૦૨૦-૨૧ અન્વયે નાયબ માહિતી નિયામક, વર્ગ-૧ અને સહાયક માહિતી નિયામક (સંપાદન), વર્ગ-૨ની પ્રિલિમિનરી પરીક્ષા તા.૨૭, જૂન, ૨૦૨૧ના રોજ સવારે ૧૦.૦૦ કલાકે યોજાશે.

સિનિયર સબ ઓડિટર, વર્ગ-૩ તથા માહિતી મદદનીશ, વર્ગ-૩ ની પ્રિલિમિનરી પરીક્ષા તા.૨૭, જૂન, ૨૦૨૧ના રોજ બપોરે ૦૩.૦૦ કલાકે યોજાશે, જેની નોંઘ લેવા સંબંધિત તમામ ઉમેદવારોને જણાવવામાં આવે છે. આ અંગેની વધુ વિગતો માટે માહિતી નિયામક કચેરીની વેબસાઇટ જાેવા સૂચન છે. પરીક્ષાના સ્થળ તથા કોલલેટર ડાઉનલોડ કરવા અંગેની સૂચનાઓ હવે પછી પ્રસિદ્ધ કરવામાં આવશે.


Comments

કોમેન્ટ પોસ્ટ કરવા માટે લાગિન કરો