દિલ્હી-

હાથરસની ઘટનાને લઈને રાજકારણ ગર્માયુ છે. લખનૌથી દિલ્હી અને દેશના જુદા જુદા શહેરો સુધી દેખાવો યોજવામાં આવી રહ્યા છે. કોંગ્રેસ સતત યુપીની યોગી સરકાર પર આકરા પ્રહારો કરી રહ્યું છે.  તેવામાં આજે કોંગ્રેસના પૂર્વ અધ્યક્ષ રાહુલ ગાંધીએ હાથરસ જવાની જાહેરાત કરી છે. તે જ સમયે, હવે યુપી પોલીસ પણ એક્ટીવ મોડમાં આવી છે.

નોઈડા બોર્ડર પર સુરક્ષા વધારી દેવામાં આવી છે. ડી.એન.ડી. પર મોટી સંખ્યામાં પોલીસ બંદોબસ્ત ગોઠવી દેવામાં આવ્યો છે. કોંગ્રેસના કાર્યકરો ડીએનડી પહોંચવા લાગ્યા છે. તે જ સમયે, યુપી પ્રદેશ કોંગ્રેસ અધ્યક્ષ અજયકુમાર લલ્લુની રાજધાની લખનૌમાં ધરપકડ કરવામાં આવી છે. લખનઉના બહુલખંડીમાં લલ્લુના નિવાસસ્થાન પર પણ ભારે પોલીસ બંદોબસ્ત ગોઠવી દેવામાં આવ્યો છે.

નિવાસસ્થાન પર તૈનાત પોલીસકર્મીઓ અજય લલ્લુને ક્યાંય ખસેડવાની મંજૂરી આપી રહ્યા નથી. એવું કહેવામાં આવે છે કે મધ્યરાત્રિ બાદ અજય લલ્લુના નિવાસસ્થાને મોટી સંખ્યામાં પોલીસ કર્મચારીઓ તૈનાત કરવામાં આવ્યા છે. જો કે પોલીસનું કહેવું છે કે અજયકુમાર લલ્લુની સુરક્ષાને ધ્યાનમાં રાખીને પોલીસ કર્મચારીઓને તૈનાત કરવામાં આવ્યા છે.

અજય લલ્લુની ગૃહ ધરપકડ એવા સમયે કરવામાં આવી છે જ્યારે કોંગ્રેસના પૂર્વ અધ્યક્ષ રાહુલ ગાંધીએ હાથરસ જવાની જાહેરાત કરી છે. રાહુલ ગાંધીએ ટિ્‌વટ કર્યું છે કે તેમને કોઈ પણ હાથરસ જતા અને પીડિતના પરિવારના સભ્યો સાથે પોતાનો દુ:ખ વહેંચવામાં રોકી નહીં રાહુલ ગાંધી તેમની બહેન પ્રિયંકા ગાંધી પણ સાથે રહેશે.





Comments

કોમેન્ટ પોસ્ટ કરવા માટે લાગિન કરો