દિલ્હી-

કોંગ્રેસ અધ્યક્ષ સોનિયા ગાંધીના જમાઈ અને કોંગ્રેસ મહામંત્રી પ્રિયંકા ગાંધી વાડરાના પતિ, રોબર્ટ વાડ્રા શુક્રવારે રાજસ્થાનની રાજધાની જયપુરમાં પહોંચ્યા હતા.

વાડ્રાએ સવારે આઠ વાગ્યે જયપુરના મોતી ડુંગરી ગણેશ મંદિરની પૂજા કરી તેમનો આશીર્વાદ મેળવ્યા હતા. કડક સુરક્ષા વચ્ચે ગણેશ મંદિરની મુલાકાત લીધા બાદ વાડ્રા હોટલ ગ્રાન્ડ ઉનિઆરા જવા રવાના થયા હતા. રોબર્ટ વાડ્રાએ હોટલ ગ્રાન્ડ ઉનિઆરામાં મીડિયા સાથે વાતચીત કરી. એક સવાલના જવાબમાં વાડ્રાએ કહ્યું કે ૨૫ વર્ષ થઈ ગયા છે, રાજકારણમાં આવવાનું ક્યારેય વિચાર્યું નથી, પરંતુ દરેક જણ ઇચ્છે છે કે તેઓ રાજકારણમાં આવે. તેથી, રાજકારણમાં પ્રવેશવાની ચાલ યોગ્ય સમયે લેવામાં આવશે.

તમને જણાવી દઈએ કે આ સમયે રોબર્ટ વાડ્રા રાજકારણમાં સંપૂર્ણ રીતે સક્રિય નથી, પરંતુ જયપુરમાં મીડિયા સાથેની વાતચીતમાં તેમણે પોતાનો હેતુ સ્પષ્ટ કર્યો હતો. વાડ્રાએ કહ્યું કે હું લોકો માટે રાજકારણમાં આવીશ. વાડ્રાએ કહ્યું હતું કે કોઈ ઇચ્છે છે કે તેઓ મુરાદાબાદથી રાજકારણમાં આવે, જ્યારે કોઈ તેમને ગાઝિયાબાદથી રાજકારણમાં જતા જાેવું ઇચ્છે છે.

રાજકારણમાં જાેડાવા ઉપરાંત વાડ્રાએ મોંઘવારી પર પણ વાત કરી હતી. તેમણે કહ્યું હતું કે મોંઘવારીથી સામાન્ય માણસ પરેશાન થઈ ગયો છે. પેટ્રોલના ભાવ ઓછા થવાનું નામ નથી લઈ રહ્યા. આજે લોકો દવાઓ લેવી કે પેટ્રોલ ભરવું તે નક્કી કરી શકતા નથી. લોકો ડ્રાઇવિંગ પણ છોડી રહ્યાં છે.



Comments

કોમેન્ટ પોસ્ટ કરવા માટે લાગિન કરો