દિલ્હી -

દેશના પાટનગર દિલ્હીમાં એક 17 વર્ષીય સગીરની સાથે રેપની ઘટના સામે આવી છે. લેબ ટેક્નિશિયને હોસ્પિટલની અંદર જ સગીરા સાથે બળાત્કાર ગુજાર્યો હતો. પોલીસે આરોપીની ધરપકડ કરી લીધી છે. હાલ કેસની તપાસ ચાલી રહી છે. પોલીસે જણાવ્યું છે કે, પીડિતા નોકરી માટે અરજી કરવા માટે હોસ્પિટલમાં ગઈ હતી. 

પોલીસના જણાવ્યા મુજબ, પીડિતા તેની એક મિત્ર દ્વારા હોસ્પિટલના લેબ ટેક્નિશિયનના સંપર્કમાં આવી હતી. ત્યારબાદ બંનેની મિત્રતા થઈ ગઈ હતી. પીડિતા નોકરી શોધમાં હતી તેથી આરોપીએ તેને નોકરી અપાવવાની લાલચ આપીને હોસ્પિટલ બોલાવી હતી. ત્યાં તે પીડિતાને કેબિનમાં લઈ ગયો અને કથિત રીતે તેની સાથે બળાત્કાર ગુજાર્યો હતો. 

ઘરે પરત ફર્યા બાદ પીડિતાએ તેના પરિવારને ઘટનાની જાણ કરી હતી. 11 ઓગસ્ટના રોજ પીડિતા તેની માતાની સાથે પોલીસ સ્ટેશન પહોંચી હતી અને ફરિયાદ નોંધાવી હતી. પીડિતાની મેડિકલ તપાસ કર્યા બાદ પોલીસે આરોપીની ધરપકડ કરી લીધી છે.


Comments

કોમેન્ટ પોસ્ટ કરવા માટે લાગિન કરો