બેલ્લારી (કર્ણાટક)- 

પાંચ વખતના એશિયન ચેમ્પિયન શિવ થાપાએ અંકિત નરવાલને હરાવીને રવિવારે અહીં પાંચમી એલિટ મેન્સ નેશનલ બોક્સિંગ ચેમ્પિયનશિપની રોમાંચક ક્વાર્ટર ફાઇનલમાં અંતિમ-૪ માં પ્રવેશ કર્યો.

આરએસપીબી હરીફને હરાવવા માટે આસામના બોક્સરએ તેના અનુભવનો ફાયદો ઉઠાવ્યો હતો. જોકે નરવાલે થાપાને કઠિન લડત આપી હતી, અનુભવી બોક્સરએ ૬૩.૫ કિલો વજન વર્ગમાં ૪-૧થી મેચ જીતી લીધી હતી.

આરએસપીબી માટે સચિન (૫૪ કિગ્રા) અને વરિંદર સિંહ (૬૦ કિગ્રા) પોતપોતાના વજન વર્ગમાં વિજેતા બન્યા. સચિને ગોવાના રોશન જામીરને હરાવ્યો હતો જ્યારે ૨૦૨૧ એશિયન ચેમ્પિયનશિપ બ્રોન્ઝ મેડલ વિજેતા વરિંદરે દમણ, દીવ અને નગર હવેલીના ઇન્દ્રજીત સિંહને ૫-૦થી હરાવીને સેમિફાઇનલમાં જગ્યા બુક કરી હતી.

ઉત્તર પ્રદેશના રવિ કુમારનો પણ સેમીફાઇનલમાં સમાવેશ કરવામાં આવ્યો છે. તેણે ૪૮ કિલોગ્રામ કેટેગરીના છેલ્લા આઠ મુકાબલામાં ઓડિશાના સંતોષ પ્રધાનને હરાવ્યો. કોમનવેલ્થ ગેમ્સ (૨૦૧૮) બ્રોન્ઝ મેડલ વિજેતા મોહમ્મદ હુસામુદ્દીન (૫૭ કિલો) એ મહારાષ્ટ્રના રૂષિકેશ ગૌરને હરાવ્યો.

યુથ વર્લ્ડ ચેમ્પિયનશિપમાં ટાઇટલ જીતનાર સચિન (૫૭ કિગ્રા) એ પ્રભાવિત કરવાનું ચાલુ રાખ્યું કારણ કે તેણે રાજસ્થાનના જીતેન્દ્ર ચૌધરીને ૫-૦થી હરાવ્યો હતો.

પંજાબ બોક્સર વિજય કુમાર (૬૦ કિગ્રા) અને રાજપિન્દર સિંહ (૫૪ કિગ્રા) પણ પોતપોતાની મેચ ૫-૦થી જીત્યા બાદ સેમિફાઇનલમાં પહોંચ્યા હતા.


Comments

કોમેન્ટ પોસ્ટ કરવા માટે લાગિન કરો