સુરત-
ઉપરવાસમાં પડી રહેલા ભારે વરસાદના પગલે સુરત જ નહીં પરંતુ સમગ્ર દક્ષિણ ગુજરાતની જીવાદોરી સમાન ઉકાઈ ડેમની સપાટીમાં સતત વધારો થઇ રહ્યો છે.જેને લઈને ધરતીપુત્રો અને તંત્રમાં રાહત સાથે આનંદની લાગણી છવાઈ છે.ઉકાઈ ડેમમાં હાલ ઈનફ્લો 1.07 લાખથી વધારે નોંધાવા પામ્યો છે. ડેમની સપાટી 322.01 ફૂટ પર પહોંચી ચુકી છે.ઉકાઈ ડેમની વધી રહેલી સપાટી પર તંત્ર ચાંપતી નજર પણ રાખી રહ્યું છે.ડેમમાંથી હાલ 600 ક્યુસેક પાણી છોડવામાં આવી રહ્યું છે. હાલ ઉકાઈ ડેમની સપાટી રૂલ લેવલ 333 ફૂટથી 10 ફૂટ દૂર છે. સુત્રોથી મળી રહેલી જાણકારી મુજબ ઉકાઈ ડેમના ઉપરવાસમાં છેલ્લા 4-5 દિવસથી પડી રહેલા દેમાર વરસાદના કારણે તેમજ મહારાષ્ટ્રના હથનુર ડેમમાંથી છોડવામાં આવી રહેલા પાણીના કારણે ડેમની સપાટી સતત વધી રહી છે.ડેમના ઉપરવાસમાં આવેલા ટેસ્લામાં 46 મીમી, ચીખલધારામાં 77 મીમી, લખપુરીમાં 25 મીમી, સારનખેડામાં 37 મીમી, બુરહાનપુરમાં 12 મીમી વરસાદ નોંધાવા પામ્યોછે. મહારાષ્ટ્રના હથનુર ડેમની સપાટી હાલ 209 ફુટે પહોંચી છે.બીજી તરફ સમગ્ર ગુજરાતમાં આગામી 3 દિવસ માટે ભારે વરસાદની આગાહી તંત્ર દ્વારા કરવામાં આવી છે.ત્યારે ડેમની સપાટી હજુ પણ વધે તેવી સંભાવના છે.
સંબંધિત સમાચાર
મોસ્ટ પોપ્યુલર
ક્વિક લિંક
- અજબ ગજબ
- એસ્ટ્રોલોજી
- બૉલીવુડ
- બજેટ ૨૦૨૧-૨૨
- બિઝનેસ
- સિનેમા
- ક્રાઈમ વોચ
- ધર્મ જ્યોતિષ
- શિક્ષણ
- ફેશન એન્ડ બ્યુટી
- ફૂડ એન્ડ રેસિપી
- હેલ્થ એન્ડ ફિટનેસ
- હોલીવુડ
- આંતરરાષ્ટ્રીય
- જ્યોતિષ
- લાઈફ સ્ટાઇલ
- રાષ્ટ્રીય
- રાજકીય
- ધર્મ
- સ્પેશીયલ સ્ટોરી
- રમત ગમત
- ટી ૨૦ વર્લ્ડ કપ ૨૦૨૧
- ટેક્નોલોજી
- ટેલિવુડ
- ટોક્યો ઓલિમ્પિક્સ
- ટ્રાવેલ
- વાસ્તુ
- વેબ સિરીઝ
Comments