ભરૂચ,ગત ગુરુવારના સમી સાંજના વગરા તાલુકાના સાયખા જી.આઈ.ડી.સી., ઈ.સી.મરીન કંપની રોડ પર સ્ટ્રીટ લાઈટ પાસે કોઈ અજાણ્યા ઇસમે કોઈ અગમય કારણસર ગન વડે છાતીના ભાગે બે બંદૂકની ગોળી તથા ગરદનના પાછળના ભાગે બંદૂકની ગોળી મારી ખૂન કરી હોય તેમ લાશ નજરે પડી હતી. ગુમરણ પામેલ ઈસમનું નામ અશ્વિનભાઇ ઉર્ફ શંભુ રમેશભાઈ પટેલ રહે. વિલાયત, ભરૂચ જેઓ જ્યુબીલિયન્ટ કંપનીમાં નોકરી કરતો હતો. મળતી માહીતી અનુસાર આરોપી આલમ જ્યુબીલિયન્ટ કંપનીમાં તથા ફમેટા બાયોટેક લી. તથા ઘરદા કેમિકલ કંપનીમાં ઇલેક્ટ્રિકલ જાેબનું કામ કરતો હતો. જેમાં જ્યુબીલિયન્ટ કંપનીમાં કામ કરતા અશ્વિનભાઇ ઉર્ફે શંભુભાઈ રમેશભાઈ પટેલ સાથે ૨૦૦૯ થી મિત્રતા હતી. ત્યારબાદ તેઓની સાથે પૈસાના લેવડદેવડનો વ્યવહાર ચાલતો હતો આ નાણાકીય લેવડદેવડમાં તેમની વચ્ચે કોઈ કારણસર ખટરાગ થયેલ જેથી આરોપી સરફે આલમે અશ્વિન પટેલનું ખૂન કરવા માટે તેના સગા સાળા જેનું નામ મશીહુલ આલમ રહેફુલ આઝમ ભોલેમિયાઓને હથિયાર સાથે બિહારથી બોલાવ્યો હતો. આ હથિયાર મશીહુલ આલમે પકડાઈ જવાનાં ડરથી બિહારથી બસમાં ચોખાની બોરીમાં સંતાડીને લાવ્યો હતો. સરફે આલમ તથા મશીહુલ આલમે ભેગા મળીને અશ્વિનભાઈને જાનથી મારી નાંખવાનું પૂર્વ આયોજિત કાવતરું રચેલું હતું. જેને માટે અશ્વિન પટેલને સાયખા જી.આઈ.ડી.સી. માં આવેલ ભેરસમ ગામ જવાનાં સુમસામ રસ્તા પર ધંધાકીય મિટિંગ માટે બોલાવીને અશ્વિન પટેલને વાતોમાં ફોસલાવીને આરોપી મશીહુલ આલમે અશ્વિન પટેલને પાછળથી ગરદન ઉપર ફાયરિંગ કર્યું હતું અને આગળથી બે બંદૂકની ગોળીઓનો પ્રહાર કર્યો હતો. એમ મળીને કુલ ત્રણ રાઉન્ડમાં ફાયર આમ્સથી પ્રહાર કરવામાં આવ્યો હતો.


Comments

કોમેન્ટ પોસ્ટ કરવા માટે લાગિન કરો