પિથૌરગઢ

ઉત્તરાખંડ સ્થિતી પિથૌરાગઢમાં મુનસ્યારી-મિલન મોટર માર્ગ પર નિર્માણ કરેલો વેલી પુલ અધવચ્ચે તૂટી ગયો હતો. આ પુલ ચીન સરહદ સુધી પહોંચવા માટે એકમાત્ર વિકલ્પ હતો. પ્રાપ્ત વિગતો મુજબ પુલ પરથી એક લોડેડ ટ્રક પોકલેન્ડ મશિન લઈને પસાર થઈ રહ્યો હતો. ટ્રક અને મશિનના વજનને પગલે પુલ અધવચ્ચેથી તૂટી ગયો હતો. પુલ પરથી પસાર થઈ રહેલો ટ્રક અને પોકલેન્ડ મશિન પણ નદીમાં ખાબક્યા હતા. ભારતને ચીન સરહદથી જાડતા અત્યંત મહત્વનો પુલ ટ્રક ડ્રાઈવરની બેદરકારીથી તૂટતા તેની સામે ગુનો નોંધવામાં આવ્યો છે.

આ દુર્ઘટનામાં ટ્રક ચાલક તેમજ ક્લિનરને ઈજા પહોંચી હોવાનુ જણાયું છે. હાલમાં બન્નેની હોસ્પિટલમાં સારવાર ચાલી રહી છે. ટ્રક ચાલકને પુલ નબળો પડી ગયો હોવાની માહિતી અપાઈ હતી. આ જ પુલ મારફતે લશ્કરના જવાનો રસદ, મિલમ થઈને ચીન સરહદ સુધી પહોંચે છે. આ ઉપરાંત મિલમ ગામના સાત હજાર લોકો પણ આ જ પુલ પરથી અવરજવર કરે છે. પુલ તૂટવાનો એક વીડિયો સોશિયલ મીડિયામાં પણ વાયરલ થયો છે.

આ વીડીયોમાં સ્પષ્ટ જાવા મળે છે કે પુલ પરથી લોડેડ ટ્રક પસાર થાય છે ત્યારે અધવચ્ચે જ પુલ બે ભાગમાં તૂટી પડે છે અને ટ્રક તેમજ પોકલેન્ડ મશિન નીચે નદીમાં પડે છે. ટ્રકની પાછળ પુલ પર ચાલતા આવતો શખ્સ પણ આ દુર્ઘટનામાં નીચે પડી જાય છે


Comments

કોમેન્ટ પોસ્ટ કરવા માટે લાગિન કરો