મુંબઈ-

ટ્રૂકોલર જે કોલર આઇડેન્ટિફિકેશન સર્વિસ ચલાવે છે. આઇપીઓમાંથી ૧૧.૬ કરોડ ડોલર એકત્ર કરવાની યોજના ધરાવે છે. કંપની સ્વીડનમાં સ્ટોકહોમ એક્સચેન્જમાં લિસ્ટેડ થશે. આમાં નવા શેર જારી કરવા તેમજ હાલના શેરધારકો દ્વારા વેચાણ માટે ઓફરનો સમાવેશ થશે. આ શેરધારકો તેમના વર્ગ બીના શેર વેચવા માંગે છે.

લિસ્ટિંગ પછી કંપનીના સ્થાપક નામી જેરીંગહામ અને એલન મેમેડી પાસે કંપનીના મતદાન અધિકારોનો મોટો હિસ્સો હશે. આનું કારણ એ છે કે તેમની પાસે કંપનીના ઉચ્ચ મત વર્ગ એ શેરો છે. ટ્રૂકેલર માટે ભારત સૌથી મોટું બજાર છે. કંપનીનો દાવો છે કે દેશમાં લગભગ ૨૦૫ કરોડ માસિક સક્રિય વપરાશકર્તાઓ છે. કંપનીનું કહેવું છે કે તે વોટ્‌સએપ અને ફેસબુક પછી દેશમાં ત્રીજંત સૌથી મોટું કમ્યુનિકેશન પ્લેટફોર્મ છે.

ટ્રૂકોલરની શરૂઆત ૨૦૦૯ માં કરવામાં આવી હતી. ૧૭૫ થી વધુ દેશોમાં તેના ૨૭૮ મિલિયન માસિક સક્રિય વપરાશકર્તાઓ છે. કંપનીના મુખ્ય રોકાણકારોમાં સેક્વોઇઆ કેપિટલ, એટમિકો, ક્લીનર પર્કિન્સ અને ઓપન ઓશનનો સમાવેશ થાય છે. ગયા વર્ષના અંત સુધીમાં સેક્વોઇયાએ કંપનીમાં ૧૯.૯ ટકા હિસ્સો રાખ્યો હતો.

કંપનીની ઓફિસ સ્વીડન, ભારત અને કેન્યામાં છે. તે ભંડોળનો ઉપયોગ વૃદ્ધિ પ્રયત્નો, સંપાદન અને સામાન્ય કોર્પોરેટ જરૂરિયાતો માટે કરશે. સ્માર્ટફોનનો ઉપયોગ વધવાની સાથે કંપની માટે યુઝર્સની સંખ્યા પણ વધી રહી છે. તેની સેવા છેતરપિંડી અને સ્પામ નંબરો ટાળવામાં મદદ કરે છે.


Comments

કોમેન્ટ પોસ્ટ કરવા માટે લાગિન કરો