દિલ્હી-

દિલ્હીમાં સિંઘુ બોર્ડર પર ખેડૂતોના આંદોલનને કારણે તૈનાત બે પોલીસ અધિકારીઓને કોરોના પોઝિટીવ આવ્યો છે. સિંઘુ બોર્ડર પર પોલીસ દળની આગેવાની હેઠળના દિલ્હી પોલીસના ડીએસપી અને એડીશનલ ડીએસપીનો કોરોના રિપોર્ટ પોઝિટીવ આવ્યો છે. બંને અધિકારીઓને કોરોનામાં ચેપ લાગ્યો હોવાની માહિતી દિલ્હી પોલીસ દ્વારા આપવામાં આવી છે. આપને જણાવી દઇએ કે કોરોના ચેપને રોકવા માટે, દિલ્હી પોલીસે ગઈકાલે બોર્ડર પ્રદર્શનકરી રહેલા ખેડૂતોનો વચ્ચે ગુલાબ અને માસ્કનું વિતરણ કર્યું હતું. તે જ સમયે, ખેડૂતોને કોવિડ પરીક્ષણ કરાવવા વિનંતી કરવામાં આવી હતી. ખેડૂતોએ સ્પષ્ટપણે કોવિડ પરીક્ષણ કરાવવાની ના પાડી હતી. તે પછી ત્યાં હાજર પોલીસકર્મીઓને કોવિડ તપાસ કરવામાં આવી હતી. જોકે, પાંચથી સાત પોલીસકર્મીઓના ટેસ્ટ કર્યા બાદ તપાસ ટીમને પરત મોકલી દેવામાં આવી હતી.


Comments

કોમેન્ટ પોસ્ટ કરવા માટે લાગિન કરો