વડોદરા-

વડોદરા સુભાનપુરા વિસ્તાર નજીકના કોમ્પલેક્ષમાં આવેલા કેનેરા બેન્કના ATMમાં ગત કેટલાક સમયથી શંકાસ્પદ ટ્રાન્ઝેક્શન થયા હોવાની વિગતો બેંગ્લોર ખાતેની હેડ ઓફીસમાંથી મળતા બેન્ક કર્મચારીઓએ CCTV ફૂટેજ ચેક કર્યા હતા. આ દરમિયાન એક શંકાસ્પદ યુવક ATM મશીનમાંથી રૂપિયા કાઢી જતો નજરે પડતા તેની વધુ તપાસ કરાઈ હતી. જે દરમિયાન તે વારંવાર આ રીતે રૂપિયા કાઢી જતો હોવાનું જણાઈ આવતા બેન્ક કર્મચારીઓએ વોચ રાખી 10મીએ સાંજે ત્રણ શંકાસ્પદ યુવકો ATMની અંદર આવ-જા કરતા નજરે પડતા ત્રણેયને પકડ્યા હતા. જો કે, એક શખ્સ ભાગી છૂટ્યો હતો, જ્યારે હરિયાણાના મેવાત ખાતેથી આવેલા તેના 2 સાગરીતો શાહુકાર મહેમુદ ખાન પઠાણ તેમજ જાવેદ ઇદ્રીશ ખાન પઠાણ ઝડપાઈ જતા તે બન્નેને પોલીસને હવાલે કરવામાં આવ્યાં હતા.


Comments

કોમેન્ટ પોસ્ટ કરવા માટે લાગિન કરો