અમદાવાદ-

હાઈપ્રોફાઈલ મહિલાઓ સાથે શારીરીક સંબંધ બાંધી પૈસા કમાવવાની લાલચ આપીને લોકો પાસેથી પૈસા પડાવતા બંટી બબલીને સાયબર ક્રાઈમની ટીમે બરોડા વિનીશ વીલા ખોડીયાલ નગર ચાર રસ્તા પાસેથી ઝડપી પાડ્યા છે. આ બંટી બબલી પાસેથી સાયબર ક્રાઈમની ટીમે ત્રણ મોબાઈલ તથા અલગ અલગ બેંકની પાસબુક તથા ચેકબુક ,ડેબીટ કાર્ડ મળી આવતા જપ્ત કરી પુછપરછ હાથ ધરી છે.

ન્યુ રાણીપમાં રહેતા 30 વર્ષીય યુવકને ફેસબુક પર એક મહિલાએ ફ્રેન્ડ રીકવેસ્ટ મોકલીને મિત્રતા કેળવીને પોતે એસ્કોર્ટ કંપની ચલાવતી હોવાનું અને છોકરીઓ સાથે ડેટીંગ, મીટીંગ અને શારીરીક સંતોષ આપવાનાથી સારા પૈસા મળશે તેવી વાત કરીને યુવકને વિશ્વસામાં કેળવ્યા હતા. બાદમાં આ મહિલાએ યુવકને પ્રોસેસીંગ ફી ભરાવી બાદમાં અલગ અલગ તારીખે લેડીઝ સાથે મીંટીંગ, ડેટીંગ અને સંબંધ કરવા માટે હોટેલ રૂમના ભાડા પેટે અલગ અલગ ટ્રાજેક્શન કરાવી રૂ.7.10 લાખ ભરાવીને ઠગાઈ અને વિશ્વાસઘાત કર્યો હતો. જેથી યુવકે સાયબર ક્રાઈમ પોલીસ સ્ટેશનમાં ફરિયાદ નોંધાવી હતી. સાયબર ક્રાઈમ પોલીસે ટેકનીકલ એનાલીસીસ કરતા આરોપીનું મોબાઈલ લોકેશન બરોડા ખાતે હોવાનું સામે આવ્યું હતું. જેથી વધુ તપાસ કરતા આરોપી વિનીશ વિલા હરનીવારસીયા રોડ ખાતે રહેતો આકાશ લાલવાણી હોવાનું સામે આવતા સાબર ક્રાઈમની ટીમે વડોદરા પહોંચી આરોપીની ધરપકડ કરી હતી. બાદમાં પુછપરછ કરતા તેની સાથે જૈમીકા પટેલ નામની યુવતીની પણ સંડોવણી હોવાનું સામે આવતા કારેલી બાગથી જૈમીકા પટેલની પણ ધરપકડ કરી હતી. આરોપીઓ પાસેથી સીમ કાર્ડ તથા ડીવાઈસ, ત્રણ મોબાઈલ ફોન, અલગ અલગ બેંકની પાસબુક તથા ચેકબુક, ડેબીટ કાર્ડ મળી આવતા જપ્ત કરી આરોપીઓની સઘન પુછપરછ હાથ ધરી છે.