દિલ્હી-

કોરોના માહામારીને કારણે અર્થવ્યવસ્થાને લઇને સતત ખરાબ સમાચાર આવી રહ્યા હતા, પંરતુ આજે  એક સારા સમાચાર આવ્યા છે. રેટિંગ એજન્સી મૂડીઝે કહ્યું છે કે ભારતીય અર્થવ્યવસ્થા આ વર્ષના બીજા ભાગમાં એટલે કે આવનાર મહિનાઓમાં પાટા પર આવશે.

મૂડીઝ ઈન્વેસ્ટર્સ સર્વિસે મંગળવારે કહ્યું હતું કે ભારત, ચીન અને ઈન્ડો નેશિયા જી 20 નો એકમાત્ર ઉભરતા દેશો હશે, જેની જીડીપી વર્ષ 2020 ના બીજા ભાગમાં ઝડપથી આગળ વધશે. આમ છતાં, મૂડીઝનું કહેવું છે કે આખા વર્ષ 2020 દરમિયાન ભારતની જીડીપીમાં 3.1 ટકાનો ઘટાડો થશે. મૂડીઝે તેના ઓગસ્ટમાં અપડેટ કરાયેલા ગ્લોબલ મેક્રો આઉટલુક 2020-21 માં જણાવ્યું હતું કે, 'આર્થિક દૃશ્ય ઉભરતા દેશોમાં અદ્યતન દેશોની તુલનામાં વધુ પડકારજનક છે. અમારું અનુમાન છે કે જી -20 માં ચીન, ભારત અને ઇન્ડોનેશિયા એકમાત્ર એવા દેશો હશે જ્યાં વર્ષ 2020 ના બીજા ભાગમાં જીડીપી પૂરતી ગતિ પ્રાપ્ત કરશે અને 2021 માં અર્થતંત્ર પૂર્વ કોરોના યુગમાં પહોંચશે.

મૂડીઝે આગાહી કરી છે કે 2021 માં ભારતીય અર્થવ્યવસ્થા 6.9 ટકાના દરે વૃદ્ધિ કરશે. કોરોના પહેલા પણ ભારતીય અર્થવ્યવસ્થાની સ્થિતિ બહુ સારી નહોતી. વર્ષ 2019-20 દરમિયાન ભારતીય અર્થવ્યવસ્થામાં માત્ર 4.2 ટકાનો વિકાસ થયો છે. છેલ્લા 11 વર્ષમાં આ સૌથી નીચો વિકાસ દર હતો. તાજેતરમાં, ભારતીય રિઝર્વ બેંક (આરબીઆઈ) એ પણ સ્વીકાર્યું છે કે નાણાકીય વર્ષ 2020-21 દરમિયાન દેશના કુલ સ્થાનિક ઉત્પાદન (જીડીપી) નો વિકાસ નકારાત્મક રહેશે. ઇન્ફોસીસના સહ-સ્થાપક એન.આર. નારાયણમૂર્તિએ પણ આશંકા વ્યક્ત કરી છે કે કોરોનાને કારણે આ વર્ષે સ્વતંત્રતા બાદ ભારતની સૌથી મોટી જીડીપી જોવા મળી શકે છે.

અગાઉ, તમામ રેટિંગ એજન્સીઓએ આશંકા વ્યક્ત કરી હતી કે કોરોના સંકટને કારણે ભારતનો જીડીપી 3 થી 9 ટકા ઘટશે. રેટિંગ એજન્સી ફિચ રેટિંગ્સે કહ્યું છે કે કોરોનાને કારણે નાણાકીય વર્ષ 2020-21માં ભારતીય અર્થવ્યવસ્થામાં પાંચ ટકાનો ઘટાડો થશે. બીજી તરફ રેટિંગ એજન્સી ક્રિસિલએ ચેતવણી આપી હતી કે ભારતમાં આઝાદી પછી ચોથી મંદી આવી રહી છે અને તે અત્યાર સુધીની સૌથી ખરાબ મંદી હશે.