જામનગર-
જોધપુર તાલુકાના ચુર ગ્રામ પંચાયત દ્વારા વર્ષ 2016-17 ના સરકારના 14મા નાણાપંચના વિકાસ કાર્યો પૈકી રબારી વાસમાં પાણીની ટાંકી અને ગામતળમાં પાઇપલાઈનના કામ થયેલ ન હોવા છતાં આ કામ પેટે રૂપિયા 1.84 લાખની ગેરકાયદેસર ચૂકવણી પ્રકરણમાં તત્કાલિન ઉપસરપંચની પોલીસે ધરપકડ કરી આગળની કાર્યવાહી હાથ ધરી હતી.
મળતી માહિતી મુજબ જોધપુરના ચુર ગ્રામ પંચાયત દ્વારા વર્ષ 2016-17 મા સરકાર દ્વારા મળેલી નાણાંપંચના વિકાસ કાર્યોની રકમમાંથી રબારી વાસમાં પાણીની ટાંકી અને ગામતળમાં પાઈપલાઈનનું કામ થયું ન હોવા છતાં આ બન્ને કામ માટે 1,89,400 રકમની ગેરકાયદેસર ચૂકવણી કરી દેવામાં આવી હતી. આ મામલે બોગસ દસ્તાવેજો ઉભા કરી નાણાંની ઉચાપાત પ્રકરણમાં એસીબીએ ગુનો નોંધી તપાસ હાથ ધરી હતી. આ તપાસ દરમિયાન મુરીબેન નથુ રાઠોડ અને મીતેશસિંહ ગંભીરસિંહ જાડેજા નામના બન્ને તત્કાલિન સરપંચ તથા દર્શન હસમુખ પરમાર તત્કાલિન મદદનીશ ઈજનેર વર્ગ 3 માર્ગ અને મકાન પેટા વિભાગ તથા ચુરના તત્કાલિન તલાટી કમ મંત્રી રવજી મનસુખ ધારેવડિયાની ધરપકડ કરી રિમાન્ડ મેળવ્યા બાદ જેલ હવાલે કરવામાં આવ્યાં હતાં.
આ ઉચાપાત પ્રકરણમાં ચુરના તત્કાલિન ઉપસરપંચ કિશોરસિંહ લાલુભા જાડેજા નાસતા ફરતા હોય અને તેની આગોતરા જામીન અરજી રદ થતા એસીબીના પીઆઈ એ ડી પરમાર તથા સ્ટાફને મળેલી બાતમીના આધારે જોધપુર તાલુકાના ચુર ગામમાં આવેલા રહેણાંક મકાનેથી કિશોરસિંહને ઝડપી લઇ કોવિડ ટેસ્ટ કરાવી વધુ તપાસ હાથ ધરી હતી.
સંબંધિત સમાચાર
મોસ્ટ પોપ્યુલર
ક્વિક લિંક
- અજબ ગજબ
- એસ્ટ્રોલોજી
- બૉલીવુડ
- બજેટ ૨૦૨૧-૨૨
- બિઝનેસ
- સિનેમા
- ક્રાઈમ વોચ
- ધર્મ જ્યોતિષ
- શિક્ષણ
- ફેશન એન્ડ બ્યુટી
- ફૂડ એન્ડ રેસિપી
- હેલ્થ એન્ડ ફિટનેસ
- હોલીવુડ
- આંતરરાષ્ટ્રીય
- જ્યોતિષ
- લાઈફ સ્ટાઇલ
- રાષ્ટ્રીય
- રાજકીય
- ધર્મ
- સ્પેશીયલ સ્ટોરી
- રમત ગમત
- ટી ૨૦ વર્લ્ડ કપ ૨૦૨૧
- ટેક્નોલોજી
- ટેલિવુડ
- ટોક્યો ઓલિમ્પિક્સ
- ટ્રાવેલ
- વાસ્તુ
- વેબ સિરીઝ
Comments