મુંબઈ-

રિટેલ મોંઘવારી દરની ગ્રોથ મામૂલી વધારાની સાથે ઑગસ્ટ ૨૦૨૧ માં ૫.૩૦ ટકા રહી છે. તેની સરખામણીમાં જુલાઈમાં રિટેલ મોંઘવારી દરના ગ્રોથ ૫.૫૯ ટકા હતી. આ સમયગાળા દરમિયાન ખાસ કરીને શાકભાજીના ભાવમાં વધારાને કારણે મોંઘવારી દર વધ્યા છે. નેશનલ સ્ટેટિસ્ટિકલ ઑફિસએ ૧૩ સપ્ટેમ્બરે ઑગસ્ટ માટે રિટેલ મોંઘવારી દરના આંકડા જારી કર્યા હતા. ઓગસ્ટમાં ખાવા-પીવાની વસ્ચુઓના ભાવ ૩.૧૧ ટકા વધ્યા જે જુલાઈમાં ૩.૯૬ ટકા હતા. આ દરમિયાન ખાદ્ય તેલના વધતા ભાવને લઇને ચિંતા વધી રહી છે. વર્ષ-દર-વર્ષના આધાર પર ખાદ્ય તેલના ભાવમાં ૩૩ ટકાની તેજી આવી છે.

જુલાઈ ૨૦૨૧ માં રિટેલ મોંઘવારી દર આરબીઆઇની લક્ષ્ય શ્રેણીમાં હતો. જુલાઇથી પહેલા સતત બે મહિના સુધી રિટેલ મોંઘવારીની ગ્રોથ ૬ ટકાથી વધારે હતી. જોકે જુલાઈમાં તે આરબીઆઇના લેવલ પર આવી ગયો છે. આરબીઆઇ અનુસાર મોંઘવારી દર ૪ ટકા (બે ટકા ઉપર-નીચે) રહેવો જોઈએ. મે મહિનામાં રિટેલ મોંઘવારી દર ૬.૩૦ ટકા હતો. આ દરમિયાન પેટ્રોલ-ડીઝલની વધતી કિંમતોને કારણે ટ્રાન્સપોર્ટેશન કૉસ્ટ વધી ગયો હતો જેની અસર મોંઘવારીના દર પર પડી હતી. જ્યારે જૂનમાં રિટેલ મોંઘવારી દર મામૂલી ઘટાડાની સાથે ૬.૨૬ ટકા હતો.


Comments

કોમેન્ટ પોસ્ટ કરવા માટે લાગિન કરો