મુંબઇ-

ઝી એન્ટરટેઇનમેન્ટનું સોની પિક્ચર્સ ઇન્ડિયા પ્રાઇવેટ લિમિટેડ (SPNI) સાથે મર્જરને મંજૂરી આપવામાં આવી છે. ઝી એન્ટરટેઇનમેન્ટ એન્ટરપ્રાઇઝના બોર્ડ ઓફ ડિરેક્ટર્સે ZEEL અને SPNI (સોની પિક્ચર્સ નેટવર્ક્સ ઇન્ડિયા) વચ્ચેના કરારને મંજૂરી આપી છે. મર્જરના સમાચાર બાદ બુધવારે ઝી એન્ટરટેઇનમેન્ટના શેરમાં જબરદસ્ત ઉછાળો આવ્યો હતો અને ટ્રેડિંગ દરમિયાન શેર 23.71 ટકા વધીને રૂ. 319.50 ની નવી 52 સપ્તાહની ઉંચી સપાટીએ પહોંચ્યો હતો. રોકાણકારોએ ઝી એન્ટરટેઇનમેન્ટના શેરમાં 5700 કરોડ રૂપિયા મેળવ્યા.

ઝી બિઝનેસ મુજબ એ નફો લક્ષી બનાવવાની વ્યૂહરચના સાથે દક્ષિણ એશિયાની એક અગ્રણી મીડિયા અને મનોરંજન કંપનીને મર્જ કરી છે. હવે ZEEL મેનેજમેન્ટ આ મર્જરને સંપૂર્ણપણે કાર્યરત બનાવવા માટે કામ કરશે. આ કંપનીઓના મર્જર બાદ પુનીત ગોયન્કા કંપનીના એમડી અને સીઈઓ તરીકે ચાલુ રહેશે. આ મર્જર માટે ખાસ રોકાણ વ્યૂહરચના પણ તૈયાર કરવામાં આવી છે.

ઝી એન્ટરટેઇનમેન્ટ અને સોની વચ્ચેના આ મર્જર પછી, કંપનીઓ વચ્ચેના હિસ્સાને લઈને ઘણા ફેરફારો થવા જઈ રહ્યા છે. એવું કહેવામાં આવી રહ્યું છે કે આ પછી વર્તમાન પરિસ્થિતિમાં ZEEL ના શેરધારકોનો હિસ્સો 61.25% રહેશે. તે જ સમયે, સોની દ્વારા કરવામાં આવેલા $ 1575 મિલિયનના રોકાણ પછી હિસ્સામાં ફેરફાર થશે. આ રોકાણ પછી, ZEEL ના રોકાણકારોનો હિસ્સો 47.07% ની આસપાસ રહેશે અને સોની પિક્ચર્સના શેરધારકોનો હિસ્સો 52.93% હોવાનો અંદાજ છે.


Comments

કોમેન્ટ પોસ્ટ કરવા માટે લાગિન કરો