'કાંટા લગા' ગીતથી પ્રખ્યાત થયેલા અભિનેત્રી શેફાલી જરીવાલાનું શુક્રવારે મોડી રાત્રે નિધન થયું છે. તેમને પતિ પરાગ ત્યાગી દ્વારા બેલેવ્યુ મલ્ટિસ્પેશિયાલિટી હોસ્પિટલમાં દાખલ કરવામાં આવ્યા હતા, પરંતુ ડોકટરોએ તેમને મૃત જાહેર કર્યા. શેફાલીની ઉંમર 42 વર્ષ હતી. અભિનેત્રીના નિધનનું કારણ તેમના પરિવારે હજુ સુધી જણાવ્યું નથી. જ્યારે તેમના પાર્થિવ શરીરને કૂપર હોસ્પિટલમાં પોસ્ટમોર્ટમ માટે લઈ જવામાં આવ્યું છે, ત્યારે શેફાલીના ઘરે રસોઈયા અને ઘરકામ કરનારની પૂછપરછ ચાલી રહી છે. અભિનેત્રીના પતિ અને પરિવારના અન્ય સભ્યો ઘરમાં હાજર છે. આ બધા વચ્ચે, સોશિયલ મીડિયા પર શેફાલી જરીવાલાના નિધન બાદ તેમના પતિ પરાગ ત્યાગીનો એક વીડિયો સામે આવ્યો છે, જેમાં તેઓ પત્નીના નિધનથી બેભાન અવસ્થામાં જોવા મળી રહ્યા છે.

પેપરાઝી દ્વારા શેર કરવામાં આવેલા લેટેસ્ટ વીડિયોમાં પરાગ ત્યાગી મીડિયા સામે હાથ જોડીને 'પ્લીઝ અત્યારે...' કહેતા જોઈ શકાય છે. આ વીડિયો જોઈને ચાહકો પણ ભાવુક થયા છે.

જણાવી દઈએ કે શેફાલી જરીવાલાને 'કાંટા લગા' ગીતથી લોકપ્રિયતા મળી હતી. આ પછી, બિગ બોસ 13 માં ભાગ લીધા બાદ તેઓ જાણીતો ચહેરો બની ગયા. વળી, 'મુઝસે શાદી કરોગી' માં પણ તેમને એક નાનકડા રોલમાં જોવામાં આવ્યા હતા. આ દરમિયાન તેઓ કેટલાક રિયાલિટી શોનો પણ ભાગ રહ્યા હતા.