લંડન-

બ્રિટનમાં શિક્ષકો પર ચીન માટે 'જાસૂસી' કરવા પર મોટો ઘટસ્ફોટ થયો છે. યુકેની 20 યુનિવર્સિટીઓના 200 જેટલા શિક્ષકો ચીનને મદદ કરવા માટે શંકાના ઘેરામાં આવ્યા છે.  આ શિક્ષકો પર હવે જેલ જવાનો ભય હવે વણસી રહ્યો છે. ગુપ્તચર અધિકારીઓ તપાસ કરી રહ્યા છે કે શું આ શિક્ષકોએ મોટા પ્રમાણમાં વિનાશના શસ્ત્રો બનાવવામાં ચીનને કપટપૂર્ણ રીતે મદદ કરી હતી. તે જ સમયે, પ્રતિષ્ઠિત ઓક્સફર્ડ યુનિવર્સિટી પણ વિવાદિત ચાઇનીઝ કંપની પાસેથી 7 લાખ પાઉન્ડ ડોનેશન લઈને વિવાદમાં આવી છે.

બ્રિટિશ અધિકારીઓ શિક્ષકોની તપાસ કરી રહ્યા છે કે શું તેઓએ રાષ્ટ્રીય સુરક્ષાને સુરક્ષિત કરવા કાયદાઓ અને માનવાધિકારનું ઉલ્લંઘન કર્યું છે. યુકેની ઘણી યુનિવર્સિટીઓ સહિત 20 સંસ્થાઓ જાસૂસીના શંકાના ધેરામાં આવી છે. તેમના પર નિકાસ નિયંત્રણ હુકમ 2008 નું ઉલ્લંઘન થવાની શંકા છે. જો દોષી સાબિત થાય તો તેઓને 10 વર્ષની જેલ થઈ શકે છે.

સૈન્ય અને સુરક્ષા સાથે સંકળાયેલા અત્યંત સંવેદનશીલ ક્ષેત્રમાં દુશ્મન દેશમાં માહિતી મોકલવા અને બૌદ્ધિક સંપત્તિના અધિકારને સુરક્ષિત રાખવા માટે નિકાસ નિયંત્રણ હુકમ 2008 લાગુ કરવામાં આવ્યો છે. ટાઇમ્સના અહેવાલ મુજબ બ્રિટિશ વિદ્વાનોએ વિમાન, મિસાઇલ ડિઝાઇન અને સાયબર હથિયારો ચીનને મોકલ્યા છે. હવે બ્રિટિશ સત્તાવાળાઓ આ 200 શંકાસ્પદ લોકોને નોટિસ મોકલવાની તૈયારી કરી રહ્યા છે. બીજી તરફ ઓક્સફર્ડ યુનિવર્સિટી પણ વિવાદિત ચાઇનીઝ કંપની સાથેના દાન અંગે શંકાના દાયરામાં આવી છે. યુનિવર્સિટીએ ચાઇનીઝ સોફ્ટવેર કંપની ટેન્સન્ટ પાસેથી  7 મિલિયન દાન પ્રાપ્ત કરવાના બદલામાં ભૌતિકશાસ્ત્રના પ્રતિષ્ઠિત પ્રોફેસરશિપનું નામ બદલવાનું નક્કી કર્યું છે. 1900 થી અત્યાર સુધી, તે યુનિવર્સિટીમાં ભૌતિકશાસ્ત્રના વિકેહામ ચેર તરીકે જાણીતું હતું અને હવે તે ટેન્સન્ટ-વિકેહામ ચેર તરીકે ઓળખાય છે. ચીનની કમ્યુનિસ્ટ પાર્ટીની ઇન્ટેલિજન્સ વિંગ સાથે ટેન્સન્ટનો ઉંડું જોડાણ છે.

યુકેના બે ભૂતપૂર્વ કેબિનેટ મંત્રીઓએ ઓક્સફર્ડ તેના નિર્ણય પર ફરીથી વિચાર કરવાની માંગ કરી છે. તે જ સમયે, ઓક્સફોર્ડના ચાન્સેલર લોર્ડ પેટ્ટેને કહ્યું હતું કે તેઓ ટેન્સીન્ટ પાસેથી મળેલા નાણાં અંગે કોઈ ટિપ્પણી કરશે નહીં કારણ કે તેમને તે વિશે ખબર નથી. યુએસની ગુપ્તચર એજન્સી સીઆઈએનું માનવું છે કે ચીનના મુખ્ય ગુપ્તચર એજન્સી એવા ચાઇનાના રાજ્ય સુરક્ષા મંત્રાલય સાથે ટેન્સન્ટનો ઉંડો સંપર્ક છે. ટેન્સન્ટ ચીનની સુરક્ષા એજન્સીઓ સાથે એઆઈ પર કામ કરી રહ્યું છે.