લંડન- 

પોલેન્ડએ વર્લ્ડકપ ફૂટબોલ ક્વોલિફાયર રાઉન્ડમાં સ્ટોપેજ સમયે ગોલ કરીને ઇંગ્લેન્ડને ડ્રો પર રોક્યું હતું. જયારે જર્મની, ઇટાલી, સ્પેન અને બેલ્જિયમે પોતપોતાની મેચ જીતી હતી. વોર્સોમાં રમાયેલી મેચમાં હેરી કેને ઈંગ્લેન્ડ માટે ૪૧ મો ગોલ કર્યો હતો, પરંતુ ઈજાના સમયની બીજી મિનિટમાં રોબર્ટ લેવાન્ડોવ્સ્કીના પાસ પર ડેમિયન ઝિમાન્સ્કીએ બરાબરી કરી હતી.

આ સાથે ક્વોલિફાઇંગ રાઉન્ડમાં ઇંગ્લેન્ડનું પાંચ મેચનું વિજેતા અભિયાન સમાપ્ત થયું. હવે ડેન્માર્ક એકમાત્ર ટીમ છે જેણે તમામ મેચ જીતી છે. જોકે ઇંગ્લેન્ડ પાસે ચાર પોઇન્ટની લીડ છે અને ચાર મેચો બાકી છે અને તેને આગામી વર્ષે દોહામાં યોજાનારા વર્લ્ડકપમાં પ્રવેશ કરવામાં કોઇ મુશ્કેલી નહીં પડે.

ઇટાલીએ અન્ય મેચમાં ૫-૦ થી લિથુનીયાને હરાવ્યું. હવે તેનું અજેય અભિયાન ૩૭ મેચમાં ગયું છે. જ્યારે બેલ્જિયમે બેલારુસને ૧-૦ થી હરાવ્યા બાદ ગ્રુપમાં નવ પોઇન્ટની લીડ મેળવી હતી.

સ્પેન ગ્રુપ બીમાં સ્વીડન પર ચાર પોઇન્ટની લીડ ધરાવે છે. યુનાને સ્વીડનને ૨-૧થી હરાવ્યું જ્યારે સ્પેને કોસોવોને ૨-૦ થી હરાવ્યું. જર્મનીએ આઇસલેન્ડને ૪-૦ થી હરાવ્યું અને હવે આર્મેનિયા ઉપર ચાર-પોઇન્ટની લીડ ધરાવે છે.


Comments

કોમેન્ટ પોસ્ટ કરવા માટે લાગિન કરો