મહારાષ્ટ્ર, પ.બંગાળ, યુપી બાદ દેશમાં ચોથા સ્થાને રહ્યું

દર વર્ષે દેશના વિવિધ રાજ્યોના પ્રવાસે મોટી સંખ્યામં વિદેશી પર્વાસીઓ આવતા હોય છે. ત્યારે વર્ષ 2024 દરમિયાન 22.74 લાખ જેટલા વિદેશી પ્રવાસીઓએ ગુજરાતની મુલાકાત લીધી હતી. એક વર્ષમાં સૌથી વધુ વિદેશી પ્રવાસીઓ નોંધાયા હોય તેવા રાજ્યમાં મહારાષ્ટ્રસ પ. બંગાળ, યુપી બાદ ગુજરાત ચોથા સ્થાને છે.

ગુજરાતમાં વર્ષ 2023માં 28.06 લાખ વિદેશી પ્રવાસીઓ નોંધાયા હતા. આમ, વર્ષ 2024 કરતાં વર્ષ 2023માં વિદેશી પ્રવાસીઓની સંખ્યામાં ઘટાડો જોવા મળ્યો છે. વર્ષ 2024માં સૌથી વધુ વિદેશી પ્રવાસીઓ નોંધાયા હોય તેવા રાજ્યોમાં મહારાષ્ટ્ર 37.05 લાખ સાથે મોખરે છે, જ્યારે પશ્ચિમ બંગાળ 31.24 લાખ સાથે બીજા સ્થાને છે.

જોકે, ગુજરાત આવતા મોટાભાગના વિદેશી મુલાકાતીઓ એનઆરઆઈ હોય છે. વર્ષ 2024માં ગુજરાતમાં ઘરઆંગણાના પ્રવાસીઓ 18.40 કરોડ નોંધાયા, છે જેની સંખ્યા 2023માં 17.80 કરોડ હતી. ઘરઆંગણાના સૌથી વધુ પ્રવાસીઓ હોય તેવા રાજ્યોમાં કર્ણાટક 30.45 કરોડ સાથે મોખરે છે.