અમદાવાદ, ગુજરાતની ઓળખ સમાન ઇન્ટરનેશનલ કાઈટ ફેસ્ટિવલ ૨૦૨૬નું કાઉન્ટડાઉન શરૂ થઈ ગયું છે. સાબરમતી રિવરફ્રન્ટ પર આગામી ૧૨ જાન્યુઆરી ૨૦૨૬ના રોજ આ ભવ્ય ફેસ્ટિવલનો પ્રારંભ થવા જઈ રહ્યો છે. ઇન્ટરનેશનલ કાઈટ ફેસ્ટિવલ ૨૦૨૬ માટે અત્યારે સાબરમતી રિવરફ્રન્ટ પર તડામાર તૈયારીઓ ચાલી રહી છે. હેરિટેજ હવેલી અને પોળના સ્થાપત્યની થીમ પર તૈયાર કરાયેલા સ્ટોલ, પતંગ મ્યુઝિયમ, ફોટો વોલ, ફૂડ સ્ટોલ અને હેન્ડક્રાફ્ટિંગ સ્ટોલ પણ ઊભા કરવામાં આવ્યા છે. કાઈટ ફેસ્ટિવલનું ઉદ્ધાટન પીએમ નરેન્દ્ર મોદીના હસ્તે કરવામાં આવશે, જ્યારે જર્મનીના ચાન્સેલર ફ્રેડરિક મર્ઝ વિશેષ અતિથિ તરીકે કાર્યક્રમમાં હાજરી આપશે. ૧૨ થી ૧૪ જાન્યુઆરી દરમિયાન યોજાનારા આ કાઈટ ફેસ્ટિવલમાં માત્ર રંગબેરંગી પતંગો જ નહીં પરંતુ ગુજરાતના સમૃદ્ધ સાંસ્કૃતિક વારસાની પણ ઝલક જાેવા મળશે. હેરિટેજ હવેલી અને પોળના સ્થાપત્યની થીમ પર તૈયાર કરાયેલા સ્ટોલ્સ, પતંગ મ્યુઝિયમ અને ફોટો વોલ મુલાકાતીઓ માટે આકર્ષણનું કેન્દ્ર રહેશે.કાઈટ ફેસ્ટિવલમાં દેશ-વિદેશના મોટી સંખ્યામાં પતંગબાજાે ભાગ લેશે. ૫૦ દેશના ૧૩૫ ઇન્ટરનેશનલ પતંગબાજાે, ભારતના ૧૩ રાજ્યના ૬૫ પતંગબાજ અને ગુજરાતના ૧૬ જિલ્લાના ૮૭૧ પતંગબાજ આ કાઈટ ફેસ્ટિવલમાં સહભાગી થશે. આ રીતે કુલ અંદાજે ૧,૦૭૧ પતંગરસિકો આકાશમાં પેચ લડાવશે.મહોત્સવના મુખ્ય આકર્ષણોમાં ૧૩ જાન્યુઆરીની રાત્રિ નાઈટ ફાઈટ ફ્લાઈંગ, દરરોજ સાંજે ૭ વાગ્યે સાંસ્કૃતિક સંધ્યા અને લોકપ્રિય ગાયિકા કિંજલ દવે લોકોને ડોલાવશે. આ ઉપરાંત ૨૫ હસ્તકલા સ્ટોલ અને ૧૫ ફૂડ સ્ટોલ દ્વારા સ્થાનિક કલા, હસ્તકલા અને પરંપરાગત વ્યંજનોને પ્રોત્સાહન આપવામાં આવશે.