બેંગલુરૂ,તા.૨૦

ટીમ ઈન્ડિયાના બેટ્‌સમેન મયંક અગ્રવાલે ફરી એકવાર પ્લેનમાં સવારી કરી પરંતુ આ વખતે મયંકે પોતાની વોટર બોટલ સાથે સેલ્ફી પણ શેર કરી છે. મયંકે તસવીરને ફની કેપ્શન પણ આપ્યું છે. વાસ્તવમાં, થોડા દિવસો પહેલા મયંક અગ્રવાલે અજાણતાં જ પ્લેનમાં બોટલમાંથી ઝેરી પદાર્થ પીધો હતો. જે બાદ મયંક અગ્રવાલની તબિયત બગડી હતી અને તેમને ૈંઝ્રેંમાં દાખલ કરવામાં આવ્યા હતા. જે બાદ પોલીસે પણ આ મામલે તપાસ કરી હતી.તબિયત સારી થતાં મયંક ફરી એકવાર પ્લેનમાં ચડ્યો હતો. આ વખતે મયંક અગ્રવાલ પોતાની પાણીની બોટલ લઈને પ્લેનમાં આવ્યો હતો. જેની તસવીર પણ મયંકે સોશિયલ મીડિયા પર શેર કરી છે. બોટલ સાથે ક્લિક કરેલી સેલ્ફી સોશિયલ મીડિયા પર શેર કરતી વખતે મયંક અગ્રવાલે લખ્યું કે બાબા, બિલકુલ જાેખમ ન લો. હવે ઘણા યુઝર્સ સોશિયલ મીડિયા પર આ તસવીરની નીચે ખૂબ જ ફની કોમેન્ટ કરી રહ્યા છે. એક યુઝરે કમેન્ટ કરીને લખ્યું કે, ‘ભાઈ, નાનપણમાં બસ અને ટ્રેનમાં બાળકો માટે લખેલું હોય છે કે, “અહીં-ત્યાંથી ઉપાડીને કંઈપણ ખાશો નહીં.” ઝેર હોઈ શકે છે.” તમે તેની અવગણના કરી હશે. મયંક અગ્રવાલ રણજી ટ્રોફી ૨૦૨૪માં કર્ણાટક ટીમની કેપ્ટનશીપ કરી રહ્યો છે. તેમની કપ્તાનીમાં કર્ણાટકની ટીમે રણજી ટ્રોફી ૨૦૨૪ની ક્વાર્ટર ફાઇનલમાં જગ્યા બનાવી લીધી છે. જે બાદ હવે વિદર્ભ સાથે કર્ણાટકની ટીમની મેચ ૨૩મી ફેબ્રુઆરીથી નાગપુરમાં રમાશે. આ મેચમાં મયંક અગ્રવાલ ફરી એકવાર કર્ણાટક ટીમનું નેતૃત્વ કરતો જાેવા મળશે. મયંક અગ્રવાલ પણ રણજી ટ્રોફી ૨૦૨૪માં શાનદાર ફોર્મમાં જાેવા મળી રહ્યો છે.