દિલ્હી-

બ્રિટિશ રાજવી પરિવારના પ્રિન્સ હેરી સામે એક મહિલાએ પંજાબ હરિયાણા હાઈકોર્ટમાં અરજી કરીને કાયદાકીય પગલા લેવાની માંગણી કરી છે. અરજી કરનાર મહિલા પણ વકીલ છે અને આ મહિલાએ આરોપ લગાવ્યો હતો કે, પ્રિન્સ હેરીએ મારી સાથે લગ્ન કરવાનો વાયદો કર્યો હતો પણ હજી સુધી આ વાયદો પૂરો કર્યો નથી.પ્રિન્સ હેરી સામે આ બદલ વોરંટ જાહેર કરવામાં આવે.

કોર્ટે પણ આ મામલા પર રમૂજી ટિપ્પણી કરીને કહ્યુ હતુ કે, એ વાતની શક્યતા છે કે તમારા પ્રિન્સ હેરી તમારા સોનેરી ભવિષ્ય માટે પંજાબના કોઈ ગામના સાયબર કાફેમાં બેઠા હોઈ શકે છે. આ અરજી ધોળા દિવસે જાેવામાં આવતા સપના કરતા ઓછી નથી. આ ટિપ્પણી કરીને કોર્ટે જાેકે અરજી પણ ફગાવી દીધી હતી.

મહિલાએ પોતાની અરજીમાં કહ્યુ હતુ કે, મને પ્રિન્સ હેરીના નામથી ઈ મેઈલ મોકલવામાં આવ્યા હતા. ત્યારે કોર્ટે કહ્યુ હતુ કે, તમે સોશિયલ મીડિયા પર થયેલી બોગસ વાતચીતને સાચી માની રહ્યા છે. આ મામલામાં અમે તમારી સાથે માત્ર સહાનૂભૂતિ જ વ્યક્ત કરી શકીએ છે. અરજીનો ડ્રાફ્ટ પણ યોગ્ય રીતે તૈયાર કરાયો નથી. બોગસ આઈડી બનાવીને કોઈ પણ આ પ્રકારના મેસેજ કરી શકે છે.

કોર્ટે કહ્યુ હતુ કે, પ્રિન્સ હેરીના લગ્ન ૨૦૧૮માં થઈ ચુક્યા છે. તેમણે મેગન મર્કેલ સાથે લગ્ન કર્યા છે. તેમને એક પુત્ર પણ છે


Comments

કોમેન્ટ પોસ્ટ કરવા માટે લાગિન કરો