દિલ્હી-

ઓઇલ કંપનીઓએ એલપીજી સિલિન્ડરની કિંમતમાં વધારો કર્યો છે. 14.2 કિલો ઘરેલું એલપીજી સિલિન્ડરના ભાવમાં રૂ 50 નો વધારો થયો છે. એ જ રીતે 5 કિલો નાના સિલિન્ડરના ભાવમાં 18 રૂપિયાનો વધારો કરવામાં આવ્યો છે.

19 કિલો સિલિન્ડરના ભાવમાં રૂ. 36.50 નો વધારો કરવામાં આવ્યો છે. ઓઇલ કંપનીઓ દર મહિને એલપીજી સિલિન્ડરના ભાવની સમીક્ષા કરે છે. કિંમતોની સમીક્ષા આ મહિનાના 1 ડિસેમ્બરે એકવાર કરવામાં આવી હતી. ત્યારબાદ વેપારી ગેસ સિલિન્ડરના ભાવમાં વધારો કરવામાં આવ્યો હતો. દરેક રાજ્યમાં ટેક્સ અલગ હોય છે અને તે મુજબ એલપીજીના ભાવ અલગ અલગ હોય છે.

ઈન્ડિયન ઓઇલની વેબસાઇટ પરથી પ્રાપ્ત માહિતી અનુસાર, દિલ્હીમાં 14.2 કિલો નોન સબસિડીવાળા એલપીજી સિલિન્ડર હવે 644 રૂપિયા થઈ ગયું છે. તેની કિંમત કોલકાતામાં 670.50, મુંબઇમાં 644 રૂપિયા અને ચેન્નઈમાં 660 રૂપિયા છે. 1 ડિસેમ્બરે થયેલ સમીક્ષા મુજબ આ શહેરોમાં સિલિન્ડરોની કિંમત અનુક્રમે રૂ .594, 620.50, 594 અને 610 રૂપિયા હતી.

19 કિલોના વ્યાપારી ગેસ સિલિન્ડરના ભાવમાં પણ વધારો થયો છે. દિલ્હીમાં તે 1296 રૂપિયા થઈ ગઈ છે. કોલકાતા અને મુંબઇમાં તે 55 રૂપિયા વધી 1351.50 અને રૂપિયા 1244 પર પહોંચી ગયો છે. તે જ સમયે, ચેન્નાઇમાં તે રૂ .56 વધી રૂ .1410.50 પર પહોંચી ગયો છે. અગાઉ, આ શહેરોમાં ભાવ અનુક્રમે 1241.50, 1296.00, 1189.50 અને 1354.00 હતા. આ મહિને 1 ડિસેમ્બરે વ્યાપારી ગેસ સિલિન્ડરના ભાવમાં વધારો કરવામાં આવ્યો હતો.