નડતર રૂપ ઈમિગ્રેશન કોટ્રના 17 જજોને કારણ વગર કાઢી મૂક્યા!

ટ્રમ્પ વહીવટીતંત્રે દેશમાં મોટાપાયે ડિપોર્ટેશનની કવાયત શરુ કરી છે. આ કવાયતમાં તેમને નડતર રૂપ ઇમિગ્રેશન કોર્ટના જજો છે. ટ્રમ્પે તાજેતરમાં આવા 17 જજની હકાલપટ્ટી કરી છે, જેથી ડિપોર્ટેશનની પ્રક્રિયા વધુ ઝડપી બને. ટ્રમ્પે શુક્રવારે 15 અને સોમવારે બે જજને કોઈપણ કારણ દર્શાવ્યા વગર કાઢી મૂક્યા હતા.

ઇમિગ્રેશન જજીસ સહિત અન્ય પ્રોફેશનલ્સનું પ્રતિનિધિત્વ કરતાં ધ ઇન્ટરનેશનલ ફેડરેશન ઓફ પ્રોફેશનલ એન્ડ ટેકનિકલ એન્જિનિયર્સે જણાવ્યું હતું કે નવી યાદી મુજબ 15 જજને શુક્રવારે કોઈપણ કારણ વગર કાઢી મૂકવામાં આવ્યા હતા. જ્યારે બીજા બેને સોમવારે કાઢવામાં આવ્યા હતા. યુનિયને જણાવ્યું હતું કે તેઓ સમગ્ર દેશમાં કેલિફોર્નિયા, ઇલિનોઇસ, લુઇસિયાના, મેરીલેન્ડ મેસેચ્યુસેટ્સ, ન્યૂયોર્ક, ઓહિયો, ટેક્સા, ઉટાહ અને વર્જિનિયા એમ દેશની દસ કોર્ટમાં કામ ચાલી રહ્યું છે.

યુનિયનના પ્રમુખે કહ્યું હતુ કે, એકબાજુએ અમેરિકન કોંગ્રેસે 800 ઇમિગ્રેશન જજોની નિમણૂકને બહાલી આપી છે ત્યારે બીજી બાજુએ આ જજોની હકાલપટ્ટી કરવામાં આવી રહી છે. આ એકદમ વિચાર્યા વગરનું કૃત્ય લાગે છે. તેથી તંત્ર ફાયરિંગ અટકાવે અને હાયરિંગ શરૂ કરે. ઉલ્લેખનિય છે કે, ટ્રમ્પે સત્તાના સૂત્રો સંભાળ્યા પછી 103 જજોની હકાલપટ્ટી કરવામાં આવી છે ક્યાં તો તેમણે જાતે રાજીનામુ આપ્યું છે.