આજે, ૧૨ જૂન, ગુરુવારે ભારતીય શેરબજારમાં ઘટાડો જોવા મળી રહ્યો છે. સેન્સેક્સ ૧૦૦ અંકથી વધુ ઘટીને ૮૨,૪૦૦ ના સ્તર પર કારોબાર કરી રહ્યો છે, જ્યારે નિફ્ટી પણ ૫૦ અંકથી વધુ ઘટીને ૨૫,૧૦૦ ના સ્તર પર ટ્રેડ થઈ રહ્યો છે.

સેન્સેક્સના ૩૦ શેરોમાંથી ૨૦માં ઘટાડો અને ૧૦માં તેજી જોવા મળી રહી છે. આજે ખાસ કરીને IT અને ઑટો શેર્સમાં વધુ ઘટાડો નોંધાયો છે. જોકે, ફાઇનાન્સ અને બેન્કિંગ શેર્સમાં નજીવી વૃદ્ધિ જોવા મળી રહી છે.

ઓસ્વાલ પમ્પ્સનો IPO ૧૩ જૂને ખુલશે અને ૧૭ જૂન સુધી ખુલ્લો રહેશે. આ IPO ના શેર BSE અને NSE બંને પર લિસ્ટ થશે. કંપની આ IPO દ્વારા ૧,૩૮૭.૩૪ કરોડ રૂપિયા એકત્ર કરવા માંગે છે. તેનો પ્રાઇસ બેન્ડ ₹૫૮૪ થી ₹૬૧૪ પ્રતિ શેર નક્કી કરવામાં આવ્યો છે. રિટેલ રોકાણકારોને ૬૧૪ રૂપિયા પ્રતિ શેરના હિસાબે એક લોટ માટે ૧૪,૦૧૬ રૂપિયાનું રોકાણ કરવું પડશે.

આ પહેલા ગઈકાલે એટલે કે ૧૧ જૂને શેરબજારમાં તેજી રહી હતી. સેન્સેક્સ ૧૨૩ અંક વધીને ૮૨,૫૧૫ ના સ્તર પર બંધ થયો હતો. જ્યારે નિફ્ટીમાં પણ ૩૭ અંકની તેજી રહી હતી, તે ૨૫,૧૪૧ ના સ્તર પર બંધ થયો હતો.

ગ્લોબલ માર્કેટમાં મિશ્ર કારોબાર

• એશિયન બજારોમાં: જાપાનનો નિક્કેઈ ૦.૭૧% નીચે ૩૮,૧૪૯ પર અને હોંગકોંગનો હેંગસેંગ ઇન્ડેક્સ ૦.૪૬% નીચે ૨૪,૨૫૫ પર કારોબાર કરી રહ્યો છે. જ્યારે, કોરિયાનો કોસ્પી ૦.૬૭% ચઢીને ૨,૯૨૬ પર અને ચીનનો શાંઘાઈ કમ્પોઝિટ ૦.૮% વધીને ૩,૪૦૫ પર કારોબાર કરી રહ્યો છે.

• અમેરિકન બજારોમાં (૧૧ જૂને): અમેરિકાનો ડાઉ જોન્સ ૪૨,૮૬૫ પર ફ્લેટ બંધ થયો હતો. જ્યારે, નાસ્ડેક કમ્પોઝિટ ૦.૫૦% અને S&P ૦.૨૭% ઘટીને બંધ થયા હતા.