ભારત - ઓસ્ટ્રેલિયા ક્રિકેટ ટુર્નામેન્ટ ૨૦૨૦ સમાચાર

  • રમત ગમત

    ટીમ ઈન્ડિયાના ફેન છો...જૂઓ રીષભ પંતે શું કહ્યું

    દિલ્હી-દર વખતની જેમ આ વખતે પણ રીષભ પંતે દિલ્હી પહોંચતાની સાથે જ બીજા ખેલાડીઓને મદદનું કામ પહેલા કર્યું હતું.  સોનેટ સ્ટેડિયમ ખાતે જઈને જરૂરતમંદ હોય એવા ત્રણ ખેલાડીઓને ક્રિકેટની બેઝિક કીટ તેણે આપી હતી. રીષભ પંત થોડો સમયમાં પોતાનો આત્મવિશ્વાસ વધારવામાં સફળ રહ્યો છે, એટલું જ નહીં પણ નિષ્ફળતામાંથી શીખ્યો છે. ચાહકો અને પસંદગીકારોની અપેક્ષાઓ પર કેવી રીતે ખરા ઉતરવું એ હવે પંત શીખી ગયો છે. ભારતીય ટીમને જીત માટે ફિનિશિંગ લાઈન સુધી પહોંચાડવામાં તેને ઘણો આનંદ આવે છે. એક ઈન્ટર્વ્યુમાં પંતે કહ્યું હતું કે, શનિવારે તેને લાગ્યું હતું કે, 328નો સ્કોર ચેઝ કરી શકાય એવો હતો. યાદ રહે કે, 2019ના વર્લ્ડકપ સેમીફાઈનલમાં રીષભ પંત આઉટ થઈ ગયો હતો અને તેને આજે પણ એ ઘડી ઘણી ક્ષોભજનક લાગે છે. મને ખબર નહોતી કે મારી જીંદગીમાં ક્યારેક ભારત વતી જીતવાનું નસીબ હશે કે કેમ. ભલે એક ખાસ કેચ હોય કે પછી મેચ-વિનિંગ 20 રનની ઈનિંગ હોય, પણ મેચ જીતવા માટે એ ખૂબ જ નિર્ણાયક પૂરવાર થઈ શકે છે, એમ પંત કહે છે. તે કાયમ આવી પળ તેની જીંદગીમાં આવે તેની રાહ જોતો હતો. પંત કહે છે કે, ઓસ્ટ્રેલિયા સામે મેચને હારવાને બદલે જીતવાનો ઓપ્શન જ મને સારો લાગતો હતો. તેથી જ ડ્રો-નો વિકલ્પ પણ મેં વિચાર્યો નહોતો. છેવટે આ ભારત માટે જીતવાની વાત હતી, અને તેની તોલે જીવનનો કોઈ આનંદ હોઈ શકે નહીં એમ તેણે કહ્યું હતું. જ્યારે વોશિંગ્ટન સુંદર સાથે તે બેટિંગ કરી રહ્યો હતો ત્યારે તેમણે નક્કી કર્યું હતું કે, વોશિંગ્ટન એક છેડો સાચવી રાખે અને પંત ફટકાબાજી કરે. ક્રિકેટ ચાહકો રીષભમાં ધોનીના ગુણ જૂએ છે અને તેની જગ્યાએ હવે પોતે ફિનિશરનો રોલ કરી શકે એ બાબતે પંત કહે છે કે, હું પહેલેથી જ પોતાની ટીમ જીતે એ માટે રમ્યો છું. મારા પોતાના રન કરવાને બદલે હું હંમેશા એ બાબત મગજમાં રાખું છું કે, ટીમની જીત જરૂરી છે. તેથી જ તેણે શોટ્સ પસંદ કરવામાં ખાસ કાળજી રાખી હતી. લોકડાઉન પહેલાં પંત ખુબ જ ચિંતાગ્રસ્ત હતો અને તેથી લોકડાઉન દરમિયાન તેને માનસિક રીતે મજબૂત થવાનો સમય મળ્યો હતો.નવા ક્રિકેટરોને પંત સલાહ આપે છે કે, પોતાની ક્રિકેટ માટે વિચારવું ખોટું નથી પણ વધારે પડતા વિચારો કરવાથી માનસિક સંતુલન ખોરવાય છે. તેના બદલે સભાન રહેવું જરૂરી છે. પોતે ખુશ રહીને આસપાસના ખેલાડીઓ માટે પ્રેરણા બનવું જોઈએ એમ તે યુવાન ખેલાડીઓને સલાહ આપે છે.   
    વધુ વાંચો
  • રમત ગમત

    હાલમાં ફોર્મમાં ચાલી રહેલા આ ખેલાડીએ ખરીદી મોંઘી કાર

    નવી દિલ્હીઓસ્ટ્રેલિયા સામે ટેસ્ટ સિરીઝમાં સર્વાધિક વિકેટ પોતાના નામે મેળવનાર મહંમદ સિરાજના પ્રદર્શનની ચર્ચા ચારેય બાજુ થઇ રહી છે. બ્રિસબેનના ગાબા મેદાનમાં સિરાજ દ્રારા કરવામાં આવેલી શાનદાર બોલીંગ પણ જીત માટે મહત્વની હતી. તેની બોલીંગના દમ પર ગાબા મેદાનમાં ભારત ઓસ્ટ્રેલીયાને પ્રથમ વાર હાર આપી શકવામાં સફળ રહ્યુ હતુ. હેડ કોચ રવિ શાસ્ત્રીએ મહંમદ સિરાજને ઓસ્ટ્રેલીયા પ્રવાસ દરમ્યાનની શોધ ગણાવ્યો છે. ઓસ્ટ્ર્રેલીયાનો સફળ પ્રવાસ પુર્ણ કર્યા બાદ ઘરે પરત ફરેલા મંહમદ સિરાજએ ખુદને જ BMW કાર ગીફ્ટ કરી છે. સિરાજ એ પોતાના ઇન્સ્ટાગ્રામ પર એક વિડીયો સ્ટોરી પોષ્ટ કરી છે જેમાં તે એક નવી બીએમબડબ્લુ કાર સાથે છે. જેમાં સિરાજ કારને અંદર અને બહાર થી બતાવતો નજરે ચઢી રહ્યો હતો. ઓસ્ટ્રેલીયા પ્રવાસ દરમ્યાન મળેલી ઐતિહાસિક જીત બાદ બીસીસીઆઇ ટીમને પાંચ કરોડ રુપિયાનુ બોનસ પણ જાહેર કર્યુ હતુ ઓસ્ટ્રેલીયા પ્રવાસ પર પહોચ્યા બાદ સિરાજના પિતાનુ નિધન થયુ હતુ. પરંતુ ઝડપી બોલર સિરાજ ભારત પરત ફરવાને બદલે ટીમની સાથે રહેવાનો નિર્ણય કર્યો હતો. મેલબોર્નમાં રમવામાં આવેલી બીજી ટેસ્ટ મેચમાં સિરાજને ટેસ્ટ ક્રિકેટમાં પોતાનુ ડેબ્યુ કર્યુ હતુ અને બહેતરીન બોલીંગ કરી હતી.  ભારત માટે ટેસ્ટ ડેબ્યુ કરવાને લઇને સિરાજ ખૂબ ભાવુક પણ થઇ ગયો હતો. સિડની ટેસ્ટમાં નેશનલ એન્થમ દરમ્યાન સિરાજની આખોથી આંસુ પણ નિકળી પડ્યા હતા. હૈદરાબાદના આ બોલરના પિતાનુ સપનુ હતુ કે, તે ભારત માટે રમે. સિરાજે ઓસ્ટ્રેલીયા પ્રવાસ દરમ્યાન 13 વિકેટ ઝડપી હતી. જેમાં ગાબાના મેદાન પર બીજી ઇનીંગમાં પાંચ વિકેટ ઝડપી હતી. બ્રિસબેનમાં રમાયેલી ચોથી ટેસ્ટ મેચમાં સિરાજે ટીમ ઇન્ડીયાના તરફ થી પેસ એટેકની આગાવાની સંભાળતા લાજવાબ પ્રદર્શન કર્યુ હતુ.
    વધુ વાંચો
  • રમત ગમત

    ટીમ ઈન્ડિયાનો કયો બેટ્સમેન રોજના 1500 શોર્ટ બોલની પ્રેક્ટીસ કરે છે, જાણો અહીં

    બ્રિસ્બેન-કાંગારૂઓની સામે ભારતે જે ઐતિહાસિક ટેસ્ટ વિજય મેળવ્યો તેને હજી સુધી ક્રિકેટ પ્રેમીઓ ભૂલ્યા નથી. પાંચમા દિવસે ખાસ કરીને ચેતેશ્વર પૂજારા અને શુભમન ગીલ જે રીતે જામી પડ્યા હતા તેનાથી ઓસ્ટ્રેલિયાના બોલરો પરેશાન હતા. ત્યાં સુધી કે હતાશ થઈને અવારનવાર બાઉન્સરો કે બોડીલાઈન બોલ નાંખીને ભારતીય જોડીને ઉખેડવા મરણીયા બન્યા હતા.મિચેલ સ્ટાર્ક અને પેટ કમિન્સ જેવા બોલરોને કંઈ કરવાનું બાકી નહોતું રાખ્યું અને કમિન્સના ફાસ્ટ બાઉન્સરે પૂજારાને 11 વાર હીટ કર્યો હતો. એકાદવાર તો એવા જ એક ફાસ્ટ બાઉન્સરે તેની હેલ્મેટના ગાર્ડને પણ છૂટું પાડી નાંખ્યું હતું.પરંતુ આવા સમયે પણ સામે છેડે શુભમન ગીલ ખૂબ જ કૂલ જણાતો હતો. જેણે વિશ્વની ટેસ્ટક્રિકેટના ઈતિહાસમાં ગાવસ્કર, વિશ્વનાથ, પટૌડી અને બોર્ડે જેવા કૂલ રહેવાના ધૂરંધર બેટ્સમેનો આપ્યા છે એવા ભારતના આ વધુ એક કૂલ બેટ્સમેને કલાકો સુધી ક્રિઝ પર ટકી રહીને ઓસ્ટ્રેલિયન બોલરોના રીતસરના ગાભા કાઢ્યા હતા. તેણે સ્ટાર્કની આવી અળવીતરી બોલિંગનો બેટથી જવાબ આપતાં મેદાનની ચારેબાજુ ફટકાબાજી કરીને એક સમયે ટેસ્ટને વન-ડેમાં ફેરવી નાંખી હતી. તેણે પૂલશોટ, હૂકશોટ, પંચશોટ અને બચી ગયા એ બેકફુટ શોટ પણ ફટકારીને ભારતને જીત નિર્ણાયક બનાવી. ખાસ કરીને મેલ્બોર્નમાં બીજી ટેસ્ટમાં પ્રવેશનાર શુભમન તેની બેકફૂટ બેટીંગ માટે વખણાય છે, જે ટેસ્ટ ક્રિકેટનું એક જમાપાસું ગણાય છે. પંચશોટમાં એ માહિર છે, સાથે જ એ બોલની લેન્થને અગાઉથી પામી જાય છે અને તેને આધારે ફૂટ મૂવ કરી શકે છે. અપરકટથી પૂલશોટ સુધીના તમામ શોટ્સની રેન્જ આ શાનદાર બેટ્સમેન પાસે છે. સવાલ એ છે કે, શુભમન આટલું સરસ બેકફૂટ બેટીંગ કરતાં શીખ્યો કઈ રીતે. વાત એમ છે કે, આ ક્રિકેટરના પિતા લખવિંદર સિંઘ ભલે ક્રિકેટ માટે જાણીતું નામ ન હોય, પણ તેમની ક્રિકેટ પ્રેક્ટીસ બાબતની સુઝ આગળ ભલભલા કોચ પાણી ભરે. શુભમન ટીનેજ બોય હતો ત્યારથી તેને પંજાબ વતી રમાડવા માટે તેના પિતા પ્રોત્સાહિત કરતા હતા. પંજાબના ફજિલ્કા જિલ્લાના ચક ખરેવાલા નામના નાનકડા ગામના વતની આ ક્રિકેટરને તેના પિતા એ જ્યારે ખાલી નવ વર્ષનો હતો ત્યારથી રોજના 1500 શોર્ટ બોલ્સ રમવા પ્રેરણા આપતા, બલકે ફરજ પાડતા હતા. આટલું ઓછું હોય એમ બોલને ચારપોય પરથી નાંખતા અને તેને બેટને બદલે એક સ્ટમ્પથી રમવા ફરજ પાડતા હતા. તેની આટલી આકરી તાલીમને પગલે આજે શુભમન એક્સપર્ટ બેટ્સમેન બની શક્યો છે. 
    વધુ વાંચો
  • રમત ગમત

    સિરીઝ જીતી ઓસ્ટ્રેલિયાથી પરત ફર્યા ટીમ ઇન્ડિયાના ખેલાડીઓ,જુઓ ફોટોઝ

    નવી દિલ્હીઃ ભારત ઓસ્ટ્રેલિયા વચ્ચે રમાયેલી બોર્ડર ગાવસ્કર ટ્રોફીની 4 મેચની સીરિઝ પર ભારતે 2-1થી કબજો કર્યો હતો. ભારતના મુખ્ય ખેલાડીઓ ઈજાગ્રસ્ત હોવા છતાં ટીમ ઈન્ડિયાએ શાનદાર પ્રદર્શન કરીને ઓસ્ટ્રેલિયાને ધૂળ ચટાડી હતી. જે બાદ આજે ભારતીય ટીમ સ્વદેશ પરત ફરી હતી.  મુંબઈ એરપોર્ટ પર અજિંક્ય રહાણે, કોચ રવિ શાસ્ત્રી, ઓપનિંગ બેટ્સમેન પૃથ્વી શૉનું શાનદાર સ્વાગત કરાયું હતું.  દિલ્હી એરપોર્ટ પર બ્રિસ્બેન ટેસ્ટના હિરો રિષભ પંતને આવકારવા મોટી સંખ્યામાં ક્રિકેટ ચાહકો ઉપસ્થિત રહ્યા હતા.
    વધુ વાંચો
  • રમત ગમત

    આ ખેલાડીઓને કોચ રવિ શાસ્ત્રીએ મેચના હિરો ગણાવ્યા,જુઓ વિડીયો 

    નવી દિલ્હીગાબામાં જીતનાર ટીમ ઈન્ડિયાની દેશ અને દુનિયામાં પ્રશંસા થઈ રહી છે. કોઈ એવું નથી કે આ જીતની પ્રશંસા ન કરી રહ્યું હોય તો પછી ટીમના કોચ રવિ શાસ્ત્રી કેવી રીતે પાછળ રહી જાય. તેમણે ડ્રેસિંગ રૂમમાં દિલ ખોલીને ખેલાડીઓને અભિનંદન આપ્યાં. શરૂઆત ભાવુક રહી, પણ ઋષભની બેટિંગ આવતાં સુધીમાં માહોલ હળવો થઈ ગયો. તેમણે અજિંક્ય રહાણેની કેપ્ટનશિપની પ્રશંસા કરી તો શુભમનની ફિફ્ટીને ગ્રેટ ગણાવી. પૂજારાને અલ્ટિમેટ વૉરિયરનો ખિતાબ આપ્યો તો ઋષભને કહ્યું કે તારી બેટિંગ હાર્ટ-અટેક લાવે છે. વાંચો, ટીમ ઈન્ડિયાની જીત પર કોચે કોની પ્રશંસામાં શું કહ્યું... WATCH - Exclusive: Head Coach @RaviShastriOfc delivers a dressing room speech at Gabba.A special series win in Australia calls for a special speech from the Head Coach. Do not miss!Full
    વધુ વાંચો
  • રમત ગમત

    ICC ટેસ્ટ ચેમ્પિયનશિપ પોઇન્ટ્સ ટેબલ : ભારત ટોચ પર,જાણો ઓસ્ટ્રેલિયાની સ્થિતિ

    દુબઈ બ્રિસ્બેન ખાતે ઓસ્ટ્રેલિયાને હાર આપી ભારતે આઈસીસી ટેસ્ટ ચેમ્પિયનશિપ રેન્કિંગમાં પ્રથમ સ્થાન મેળવ્યું છે. ભારતીય ટીમે 328 રનનો લક્ષ્યાંક ખૂબ જ ઉત્સાહથી જીતવા હાંસલ કર્યો છે. કેટલી ટીમો આઇસીસી રેન્કિંગમાં ટોચની નવ ટીમો આ ટેસ્ટ ચેમ્પિયનશિપનો ભાગ છે. આ ટીમો છે - ભારત, ઇંગ્લેંડ, પાકિસ્તાન, શ્રીલંકા, વેસ્ટ ઇન્ડીઝ, બાંગ્લાદેશ, ન્યુઝીલેન્ડ, દક્ષિણ આફ્રિકા અને ઓસ્ટ્રેલિયા. મેચ કે જેમાં આયર્લેન્ડ અને અફઘાનિસ્તાનનો સમાવેશ થાય છે તે ટેસ્ટ ચેમ્પિયનશિપનો ભાગ નહીં હોય. જો ફાઇનલ ટાઈ અથવા ડ્રો રહે છે, તો પછી બંને ટીમો સંયુક્ત વિજેતા જાહેર કરવામાં આવશે. જો કે, રમવાની શરતોમાં પણ અનામત દિવસનો વિકલ્પ છે. આ ફક્ત ત્યારે જ થશે જ્યારે પાંચ દિવસનો રમતનો કુલ સમય ખોવાઈ જાય. ટેસ્ટ મેચમાં રમવાનો કુલ સમય 30 કલાક (દરરોજ છ કલાક) છે.  જો નિયમિત દિવસો હેઠળ થયેલ નુકસાન તે જ દિવસે પુન:પ્રાપ્ત નહીં થાય તો જ અનામત દિવસ અમલમાં આવશે. ઉદાહરણ તરીકે, જો વરસાદને કારણે એક કલાકનું રમત શક્ય ન હોય અને તે જ દિવસના અંતે તમે તેને વળતર આપશો, તો તે કોઈપણ પ્રકારનું નુકસાન માનવામાં આવતું નથી. પરંતુ વરસાદને કારણે, આખા દિવસની રમતની ખોટ છે અને જો તમે બાકીના ચાર દિવસમાં માત્ર ત્રણ કલાકની રમતની ભરપાઈ કરી શકશો, તો મેચ રિઝર્વ ડે પર રહેશે.
    વધુ વાંચો
  • રમત ગમત

    જાણો...ઐતિહાસિક જીત બાદ ભારતીય ટીમ ICC ટેસ્ટ રેન્કિંગમાં ક્યાં સ્થાને?

    નવી દિલ્હીઓસ્ટ્રેલિયા સામે ચાર ટેસ્ટની સિરિઝમાં ભારતીય ટીમે 2-1થી ઐતિહાસિક જીત મેળવી છે. જેનો ફાયદો ભારતીય ક્રિકેટ ટીમમાં આઈસીસી ટેસ્ટ રેન્કિંગમાં પણ થયો છે. ભારતીય ક્રિકેટ ટીમ 117.65 રેટિંગ પોઇન્ટ સાથે બીજા સ્થાને પહોંચી છે. આ પહેલાં ઓસ્ટ્રેલિયા બીજા અને ભારત ત્રીજા સ્થાને હતું.  આઈસીસી ટેસ્ટ રેન્કિંગમાં ટોપ ઉપર ન્યૂઝિલેન્ડની ટીમ છે. ન્યૂઝીલેન્ડની ટીમ 118.44 રેકિંગ પોઈન્ટ સાથે પ્રથમ ક્રમે છે. જ્યારે ભારતીય ટીમ 117.65 રેટિંગ પોઈન્ટ સાથે બીજા ક્રમે છે. ટેસ્ટ સિરિઝમાં પરાજય બાદ ઓસ્ટ્રેલિયન ટીમ 113 રેટિંગ પોઈન્ટ સાથે ત્રીજા ક્રમે આવી ગઈ છે. જ્યારે ઈંગ્લેન્ડની ટીમ 106 રેટિંગ પોઈન્ટ સાથે ચોથા અને દક્ષિણ આફ્રિકાની ટીમ 96 પોઈન્ટ સાથે પાંચમા ક્રમે છે.  અત્રે ઉલ્લેખનીય છે કે, ઓસ્ટ્રેલિયામાં ટેસ્ટ સિરિઝમાં ભારતીય ટીમે 2-1થી જીતી લેવા વડાપ્રધાન નરેન્દ્ર મોદીએ ભારતીય ક્રિકેટ ટીમને શુભકામનાઓ પાઠવી હતી. આ ઉપરાંત સચિન તેડુંલકર સહિતના પૂર્વ ભારતીય ક્રિકેટરોએ ટીમને શુભેચ્છાઓ પાઠવી છે. એટલું જ નહીં બીસીસીઆઈએ ભારતીય ટીમને શુભેચ્છા પાઠવવાની સાથે રૂ. 5 કરોડનું બોનસ આપવાની જાહેરાત કરી છે.
    વધુ વાંચો
  • રમત ગમત

    "ભારતની આવી ટીમ ક્યારેય જોઇ નથી"જાણો આવુ કોણ બોલ્યું?

    નવી દિલ્હીચાર ટેસ્ટ મેચની સિરીઝમાં ઓસ્ટ્રેલિયામાં ધૂમ મચાવી રહેલી ભારતની ટીમના વખાણ પાકિસ્તાનના ભૂતપૂર્વ ક્રિકેટર વસીમ અકરમ કર્યા છે. ભારતે સર્જેલા ઈતિહાસ બાદ વસીમ અકરમે મંગળવારે ટ્વિટર પર ટ્વિટ કરીને ટીમ ઈન્ડિયાની જોરદાર પ્રશંસા કરી હતી. અકરમે લખ્યું છે કે, "બ્રિસ્બેન ટેસ્ટ અને સિરીઝમાં ભારતે અસાધારણ જીત હાંસલ કરી છે. આટલી આક્રમક, હિંમતવાન અને ઉગ્ર એશિયન ટીમે આ પહેલા ઓસ્ટ્રેલિયા પ્રવાસ પર મેં કદી જોયેલી નથી. તેમને કોઈપણ રોકી શકે નહીં. મુખ્ય ગણાતા ખેલાડીઓ ઈજાગ્રસ્ત હોવા છતાં. ટીમ જીતી તે શાનદાર છે " જણાવી દઈએ કે બ્રિસ્બેન ટેસ્ટમાં ભારતે ઇતિહાસ રચ્યો હતો અને ઓસ્ટ્રેલિયાને ત્રણ વિકેટથી હરાવ્યું હતું. ઋષભ પંતએ ભારત માટે નિર્ણાયક ઇનિંગ્સ રમી હતી અને શુભમન ગિલ, ચેતેશ્વર પૂજારાએ પણ જીતમાં મહત્વનું યોગદાન આપ્યું હતું. પંતે 89 રનની ઇનિંગ્સ રમી હતી, જ્યારે ગિલે 91 રન બનાવ્યા હતા જ્યારે પુજારાએ મેરેથોન ઇનિંગ્સ 56 રનની રમી હતી. બીજી ઇનિંગમાં ઓસ્ટ્રેલિયા તરફથી 328 રનના લક્ષ્‍યાંકનો સફળતાપૂર્વક પીછો કરીને ભારતે રેકોર્ડ બનાવ્યો હતો.
    વધુ વાંચો
  • રમત ગમત

    ભારતની ઐતિહાસિક જીત પર ગૂગલ CEOએ કહી આ વાત,જાણો અન્ય દિગ્ગજોનું રિએક્શન

    બ્રિસ્બેનસતત બીજી વખત ઓસ્ટ્રેલિયાને ટેસ્ટ સિરીઝમાં હરાવનાર ભારતીય ટીમે ઇતિહાસ રચ્યો છે. ક્રિકેટ બિરાદરોની સાથે, આખા ભારતમાં ખુબ ખુશી છે અને ટીમ ઈન્ડિયાની આ યાદગાર જીત બદલ ટીમ ઇન્ડિયાને અભિનંદન. માત્ર સામાન્ય ક્રિકેટ ચાહકો જ નહીં, પરંતુ મોટી વ્યક્તિઓ પણ ટીમ ઈન્ડિયાની પ્રશંસા કરવામાં પાછળ નથી. દેશના વડા પ્રધાન નરેન્દ્ર મોદીએ પણ ટીમ ઇન્ડિયાને આ અદભૂત વિજય માટે અભિનંદન આપ્યા હતા અને તેને ટીમની હિંમતની જીત ગણાવ્યા હતા. મોદી ઉપરાંત દુનિયાની મોટી કંપનીઓમાંની એક ગૂગલના સીઈઓ સુંદર પિચાઇ પણ તેમની ખુશી રોકી શક્યા નહીં. મોદી જ નહીં, ગૂગલ જેવી મોટી કંપનીના સીઈઓ પણ આ આનંદમાં જોડાયા. ભારતીય મૂળના સુંદર પિચાઇએ ટીમ ઈન્ડિયાની આ જીતને ટ્વીટ કરીને ખુશી વ્યક્ત કરી હતી. તેમણે લખ્યું, "એક ખૂબ જ અદભૂત શ્રેણી જીતે છે." ભારત અને ઓસ્ટ્રેલિયાને અભિનંદન પણ સારું રમ્યું હતું. શું શ્રેણી છે. " Many congratulations Team India for the fabulous show of character and skill. A wonderful test series with the perfect result. Hopefully the end of discussion of 4 day tests for a while. #INDvsAUS— Anil Kumble (@anilkumble1074) January 19, 2021
    વધુ વાંચો
  • રમત ગમત

    ઇતિહાસ રચનાર ટીમ ઈન્ડિયા પર BCCI મહેરબાન,ખેલાડીઓને મળ્યું શાનદાર ઇનામ

    બ્રિસ્બેન બ્રિસ્બેન ટેસ્ટમાં ઓસ્ટ્રેલિયાને 3 વિકેટે હરાવ્યા બાદ ટીમ ઈન્ડિયાએ માત્ર નવો ઇતિહાસ રચ્યો ન હતો, પરંતુ 32 વર્ષ પહેલા બનાવેલા ઇતિહાસને પણ પુનરાવર્તિત કર્યો હતો. ટેસ્ટના અંતિમ દિવસે ભારતે 7 વિકેટ ગુમાવી 328 રનનો લક્ષ્યાંક હાંસલ કર્યો હતો. આ રીતે, ભારતે 4 મેચની શ્રેણી 2-1થી જીતી હતી. તે જ સમયે, બ્રિસ્બેનમાં, 32 વર્ષથી, ઓસ્ટ્રેલિયાની અણનમ ચેન પણ તૂટી ગઈ હતી. ભારતીય ટીમની આ ઔતિહાસિક જીત પર બોર્ડ ઓફ કંટ્રોલ ફોર ક્રિકેટ ઈન્ડિયાએ તુરંત જ મોટો ઇનામ જાહેર કર્યું. બોર્ડ સેક્રેટરી જય શાહે આખી ટીમને પાંચ કરોડ રૂપિયાના બોનસની જાહેરાત કરી હતી. The @BCCI has announced INR 5 Crore as team bonus. These are special moments for India Cricket. An outstanding display of character and skill #TeamIndia #AUSvIND #Gabba— Jay Shah (@JayShah) January 19, 2021
    વધુ વાંચો