ઝજ્જર,  હરિયાણાના ઘણા વિસ્તારોમાં પૂરના કારણે પરિસ્થિતિ વધુ ખરાબ થઈ ગઈ છે અને લોકોને મુશ્કેલીઓનો સામનો કરવો પડી રહ્યો છે. ઝજ્જરના બહાદુરગઢમાં મારુતિ કંપનીના સ્ટોકયાર્ડમાં પૂરના પાણી ભરાઈ ગયા છે અને ૩૦૦ કાર પાણીમાં ડૂબી ગઈ છે. ઝજ્જર જિલ્લાના બહાદુરગઢમાં પૂરના કારણે પરિસ્થિતિ વધુ ખરાબ થઈ રહી છે. રહેણાંક વિસ્તારોમાં લોકોનું રહેવું મુશ્કેલ બની ગયું છે. ઔદ્યોગિક વિસ્તારમાં ફેક્ટરીઓમાં કામ બંધ થઈ ગયું છે. દિલ્હીને અડીને આવેલા આધુનિક ઔદ્યોગિક વિસ્તારમાં ઘણી ફેક્ટરીઓ ચારથી પાંચ ફૂટ પાણીથી ભરાઈ ગઈ છે. વરસાદ અને મુંગેશપુર ડ્રેઇનના પાણીને કારણે, મારુતિના સ્ટોકયાર્ડમાં પાર્ક કરેલી લગભગ ૩૦૦ કાર પાણીમાં ડૂબી ગઈ છે. તેમને કોઈપણ રીતે બહાર કાઢવા મુશ્કેલ છે. અલ્ટોથી વેગનઆર, વિટારા, બ્રેઝા અને ઇન્વિક્ટો સુધી, મારુતિના સ્ટોકયાર્ડમાં પાર્ક કરેલી છે. ઘણી કારના એરબેગ ખુલ્લા છે અને ઘણી કારના ડ્રાઇવર સાઇડ વિન્ડો ગ્લાસ પણ નીચે છે. નવી કારના બોનેટ સુધી પાણી ભરાઈ ગયું છે. નજીકના કારખાનાઓમાં કામ કરતા કામદારો લક્ષ્મણ અને અમૃતલાલે જણાવ્યું હતું કે “આ કાર સ્થાનિક શોરૂમ માલિકોની છે. રાત્રે જ્યારે પાણી આવ્યું ત્યારે તેમણે ચોકીદારને તેના વિશે જાણ કરી હતી પરંતુ ત્યાં સુધીમાં બધી કાર ડૂબી ગઈ હતી