મેલબોર્ન-

ઓસ્ટ્રેલિયાનું શહેર મેલબોર્ન બુધવારે દુર્લભ ભૂકંપથી હચમચી ગયું હતું. રિક્ટર સ્કેલ પર 5.9 ની તીવ્રતાનો આ ભૂકંપ અનેક ઇમારતોને હચમચાવી ગયો હતો અને દિવાલો ધરાશાયી થઇ હતી. અચાનક આવેલા ભૂકંપને કારણે સ્થાનિક લોકોમાં ગભરાટ ફેલાયો હતો અને તેઓ પોતાના ઘરની બહાર આવી ગયા હતા. ઓસ્ટ્રેલિયાનું બીજું સૌથી મોટું શહેર સવારે 9 વાગ્યે (સ્થાનિક સમય) ભૂકંપથી હચમચી ગયું હતું.

ભૂકંપ એટલો જોરદાર હતો કે તેના આંચકા સેંકડો કિલોમીટર દૂર સુધી અનુભવાયા હતા. યુએસ જિયોલોજિકલ સર્વેએ અગાઉ તેની તીવ્રતા 5.8 જણાવી હતી, જે બાદમાં ઘટાડીને 5.9 કરી દેવામાં આવી હતી. માહિતી અનુસાર તેની ઉંડાઈ જમીનથી 10 કિમી નીચે હતી.

શક્તિશાળી ભૂકંપ બાદ મેલબોર્નની ચેપલ સ્ટ્રીટ પર કાટમાળ ફેલાઈ ગયો. આ વિસ્તાર અહીંનો લોકપ્રિય શોપિંગ વિસ્તાર છે. રસ્તાઓ પર ઇમારતોમાંથી ઇંટો અને પથ્થરો પડવા લાગ્યા. મેલબોર્નમાં એક કાફેના માલિક જુમે ફીમે જણાવ્યું કે ભૂકંપનો આંચકો આવતાની સાથે જ તે બહાર નીકળી ગયો અને રસ્તા તરફ દોડ્યો. આખું મકાન ધ્રૂજતું હતું. બધી બારીઓ, અરીસાઓ ધ્રુજતા હતા. જાણે કોઈ શક્તિશાળી તરંગ આવી રહી હોય. ફીમે કહ્યું, 'મને પહેલા ક્યારેય આવું લાગ્યું ન હતું. તે ડરામણી હતી. '


Comments

કોમેન્ટ પોસ્ટ કરવા માટે લાગિન કરો