જમ્મુ-
જમ્મુ -કાશ્મીરના શોપિયાંમાં સુરક્ષા દળો દ્વારા એન્કાઉન્ટરમાં એક આતંકવાદી માર્યો ગયો છે. જમ્મુ -કાશ્મીર પોલીસે જણાવ્યું કે બુધવારે એક સક્રિય આતંકવાદી અનાયત અશરફ ડાર, જે ઓજીડબ્લ્યુ હતો અને શોપિયાના કેશવામાં ડ્રગ્સના કેસમાં પણ સામેલ હતો, તેણે ગોળીબાર કર્યો હતો, જેમાં એક નાગરિક ઘાયલ થયો હતો. સૂત્રોના ઇનપુટ્સ બાદ કેશવા ગામમાં સર્ચ ઓપરેશન શરૂ કરવામાં આવ્યું હતું અને વિસ્તારને કોર્ડન કરી લેવામાં આવ્યો હતો.
આ આતંકવાદીને અગાઉ આત્મસમર્પણ કરવાની ઓફર કરવામાં આવી હતી પરંતુ તે સંમત થયો ન હતો. બાદમાં તેની હત્યા કરવામાં આવી હતી. તેની પાસેથી એક પિસ્તોલ અને જીવતા કારતુસ પણ મળી આવ્યા હતા. ઘાયલ નાગરિક હજુ પણ હોસ્પિટલમાં દાખલ છે.
Comments