દિલ્હી-

અમેરિકામાં 67 વર્ષ બાદ એક મહિલાને ફાંસીની સજા આપવામાં આવી છે. એવું કહેવામાં આવી રહ્યું છે કે, જે મહિલાને મૃત્યુદંડની સજા ફટકારવામાં આવી હતી તેણે એક ગર્ભવતીની હત્યા કરી હતી અને તેના પેટ કાપીને બાળકનું અપહરણ કર્યુ હતું. 8 ડિસેમ્બરે, યુ.એસ. કોર્ટના આદેશ પર, દોષી મહિલાને ઘાતક ઈંજેક્શન લગાડીને મોતની સજા આપવામાં આવશે.

16 ડિસેમ્બર, 2004 ના રોજ, મોન્ટગોમરીના 36 વર્ષીય બોબી સ્ટેઇનેટ પાલતુ કૂતરો ખરીદવાના બહાને મિસૌરી પહોંચ્યા. આ પછી, મોન્ટગોમરીએ 8 મહિનાની સગર્ભાનુમ સ્ટેઇનેટને દોરડા વડે ગળું દબાવ્યું અને ત્યારબાદ તેનું પેટ ફાડી નાખ્યું અને બાળક સાથે ભાગી છૂટી. પોલીસે તપાસ બાદ મોન્ટગોમરીની ધરપકડ કરી હતી. મોન્ટગોમરીએ મિઝોરી અદાલતમાં પોતાના ગુનાની કબૂલાત કરી હતી અને ત્યારબાદ તેને 2008 માં અપહરણ અને ખૂનનો દોષી ઠેરવવામાં આવી હતી. તેને મૃત્યુદંડની સજા ફટકાર્યા પછી, મોન્ટગોમરીએ અનેક સંઘીય અદાલતોનો સંપર્ક કર્યો, પરંતુ તેની સજા બધે જ માન્ય રાખવામાં આવી.

મોન્ટગોમરી હવે 52 વર્ષની છે અને તે ઇન્ડિયાનાની ટેરે હોટે જેલમાં બંધ છે. અહીં જ 8 ડિસેમ્બરે જીવલેણ ઈંજેક્શન લગાવીને તેને મૃત્યુદંડની સજા આપવામાં આવશે. મોન્ટગોમરી દ્વારા અપહરણ કરાયેલ બાળકની ઉંમર હવે 16 વર્ષની વયે પહોંચી ગઈ છે. તેને તેના પિતાને સોંપવાનો આદેશ આપવામાં આવ્યો છે. 






Comments

કોમેન્ટ પોસ્ટ કરવા માટે લાગિન કરો