ટ્રમ્પની જાહેરાતની અમેરિકન શેર માર્કેટ પર અસર

અમેરિકન પ્રમુખ ડોનાલ્ડ ટ્રમ્પ હવે ફાર્મા બાદ ફર્નિચર પર ટેરિફ ઝીંકવાની તૈયારી કરી રહ્યું છે. આ માટે એક દરખાસ્ત રજૂ કરી છે. તેમણે કહ્યું કે આવનારા 50 દિવસમાં તપાસ પૂરી થયાં પછી નક્કી થશે કે અન્ય દેશોમાંથી અમેરિકામાં આવતા ફર્નિચર પર કેટલી ડ્યુટી લગાડવી,

ટ્રમ્પે પોતાના નિવેદનમાં નોર્થ કેરોલિના, સાઉથ કેરોલિના અને મિશિગન જેવા રાજ્યોનો ઉલ્લેખ કર્યો. આ રાજ્યો એક સમયે ફર્નિચર ઉદ્યોગના મોટા કેન્દ્ર હતા, પરંતુ સસ્તા શ્રમ અને ઓછા ઉત્પાદન ખર્ચને કારણે મોટાભાગની કંપનીઓ પોતાનું કામ વિદેશોમાં લઈ ગઈ. ટ્રમ્પનું કહેવું છે કે નવા ટેરિફથી કંપનીઓ ફરીથી અમેરિકામાં ઉત્પાદન કરવા માટે મજબૂર થશે.

આ જાહેરાતની સીધી અસર અમેરિકન શેર બજારમાં જોવા મળી. ફર્નિચર અને હોમ ગુડ્સ કંપનીઓના શેરમાં ઘટાડો થયો. બીજી બાજુ અમેરિકન મેન્યુફેક્ચરિંગ કંપનીઓના શેરના ભાવમાં વધારો થયો છે. વિશ્લેષકો માને છે કે જો ટેરિફ લાગુ થાય તો વિદેશી ઉત્પાદનો મોંઘા થઈ જશે અને ઘરેલુ કંપનીઓને ફાયદો થશે.

એક સમય હતો જ્યારે અમેરિકાનો ફર્નિચર ઉદ્યોગ ખૂબ મજબૂત હતો. 1979માં આ ઉદ્યોગમાં લગભગ 12 લાખ લોકો કામ કરતા હતા. 2023 સુધીમાં આ સંખ્યા ઘટીને માત્ર 3.4 લાખ રહી ગઈ છે.