લંડન

અનુષ્કા શર્મા છેલ્લા કેટલાક સમયથી પતિ વિરાટ કોહલી અને પુત્રી વામિકા સાથે યુકેમાં છે. વિરાટ અહીં વર્લ્ડ ટેસ્ટ ચેમ્પિયનશિપ ફાઇનલ્સ માટે તેની ટીમ સાથે છે. બીજી તરફ આથિયા શેટ્ટી પણ ક્રિકેટર કેએલ રાહુલ અને તેના ભાઈ અહાન શેટ્ટી સાથે યુકેમાં ફરતા જોવા મળ્યા હતા.


હવે અનુષ્કાની નવીનતમ પોસ્ટમાં સ્પષ્ટ થઈ ગયું છે કે બંને અભિનેત્રીઓ સાથે ફરવા આવી રહી છે. અનુષ્કાએ આથિયાએ લીધેલા ફોટા શેર કર્યા છે. લાલ દરવાજાની પાછળના ભાગમાં સફેદ શર્ટ, આછો બ્લુ ડેનિમ પહેરીને અભિનેત્રીની આ આકર્ષક તસવીરો આથિયાની ફોટોગ્રાફી કુશળતા જણાવી રહી છે.


આ પહેલા અનુષ્કા અને આથિયાએ ઈન્સ્ટાગ્રામ પર તેમના હાલના લોકેશન પરથી કેટલાક ફોટા શેર કર્યા હતા, જેને જોઇને ચાહકો અનુમાન લગાવી રહ્યા હતા કે બંને અભિનેત્રીઓ એક સાથે ફરવા જઇ રહી છે.


ઇંગ્લેન્ડના રોમાનેસ્ક ડરહમ કેથેડ્રલ અને નોર્મન ડરહમ કેસલ નજીક વહેતી નદીના પુલ પરથી અનુષ્કાએ તેની ઇન્સ્ટાગ્રામ સ્ટોરી પર એક ફોટો શેર કર્યો હતો. આ સાથે જ આથિયાએ બ્રિજ પર પોઝ આપતી વખતે તેનો ફોટો પણ શેર કર્યો હતો. બંનેની તસવીરોમાં તેમનું લોકેશન એક બીજા સાથે મેચ કરતા જોવા મળ્યા હતા. બીજા ફોટામાં અનુષ્કાએ સુંદર ઘરોવાળી શેરીનો ફોટો શેર કર્યો છે, જ્યારે આથિયાએ પણ આવી જ શેરીનો વીડિયો શેર કર્યો છે.


અનુષ્કા અને આથિયાની આ ઇન્સ્ટા પોસ્ટ્‌સ જણાવી રહી હતી કે બંને સેલેબ્સ એક સાથે ફરતા હોય છે. બંને અભિનેત્રીઓ તસવીરો શેર કરીને ઇંગ્લેન્ડની સુંદરતાનો ચાહકોને રજૂ કરી રહી છે.



Comments

કોમેન્ટ પોસ્ટ કરવા માટે લાગિન કરો