મુંબઈ

યમ બ્રાન્ડની સૌથી મોટી ફ્રેન્ચાઇઝી દેવયાની ઇન્ટરનેશનલનો ઇશ્યૂ ૪ ઑગસ્ટે ખુલવાનો છે. કંપની IPO થી કુલ ૧૪૦૦ કરોડ એકત્ર કરશે. એમાં ૪૪૦ કરોડ રૂપિયાનો ફ્રેશ ઇશ્યૂ થશે અને ૧૫,૫૩,૩૩,૩૩૦ ઇક્વિટી શેર ઑફ ફૉર સેલમાં વેચવામાં આવશે. આ ઑફર ફૉર સેલના હાઠળ ટેમાશેક હોલ્ડિંગ્સની સંપૂર્ણ સબ્સિડિયરી કંપની ડ્યુનરન ઇન્વેસ્ટમેન્ટ્‌સ (મારુટિસ) પ્રા.લિ. અને પ્રમોટર આરજે કૉર્પ કંપનીમાં તેમનો હિસ્સો વેચશે. IPOમાં ૫.૫ લાખ શેર કંપનીના કર્મચારીઓ માટે રિઝર્વ રહેશે.

ઇશ્યૂના પ્રાઈસ બેન્ડનો ખુલાસો નથી થયો. કંપનીનો ઇશ્યૂ ૪ ઑગસ્ટે ખુલશે અને ૬ ઑગસ્ટે બંધ થશે. જો કંપની એન્કર બુક માંથી ફંડ ઉભું કરે છે તો તે ૩ ઑગસ્ટે ખુલશે. ઇશ્યૂ માંથી ઉભા કરેલા ફંડ માંથી ૩૨૪ કરોડ રૂપિયાનો ઉપયોગ કંપની તેની કેટલીક બાકી ચૂકવણી માટે કરશે. ઑફર ખૉર સેલના પૈસા કંપનીના શેર હોલ્ડરની પાસે એકક્ષ કરશે.

કંપનીના પ્રમોટરો છે રવિકાંત જયપુરિયા, વરૂણ જયપુરિયા અને આરજે કૉર્પ છે. તેની પાસે દેવયાની ઇન્ટરનેશનલમાં ૭૫.૭૯ ટકા હિસ્સો છે. યમ બ્રાન્ડ ભારતમાં પિઝા હટ, KFC, કોસ્ટા કૉફી સહિતની ઘણી બ્રાન્ડ્‌સ ચલાવે છે, જેની સૌથી મોટી ફ્રેન્ચાઇઝી દેવયાની ઇન્ટરનેશનલ છે.

કોરોનાવાયરસ સંક્રમણ હોવા છતાં ૩૧ માર્ચ ૨૦૨૧ ના અંતમાં ૬ મહિનામાં કંપનીએ તેનું સ્ટોર નેટવર્ક વધાર્યું છે. તેણે કોર બ્રાન્ડ બિઝનેસમાં ૧૦૯ સ્ટોર્સ ખોલ્યા છે. તેના હરીફો પ્રતિદ્વંદી કંપનીઓમાં જુબિલન્ટ ફૂડ વર્ક્‌સ, વેસ્ટલાઇફ ડેવલપમેન્ટ અને બર્ગર કિંગ ઇન્ડિયા છે.

૧૯૯૭ માં દેવયાની ઇન્ટરનેશનલએ જયપુરમાં તેના પહેલા પિઝા હટ સ્ટોરથી યમ બ્રાન્ડ સાથે તેના કારોબારી સંબંધની શરૂઆત કરી. હાલમાં દેવયાની ઇન્ટરનેશનલ પાસે ૨૯૬ પિઝા હટ સ્ટોર્સ, ૨૬૪ KFC સ્ટોર્સ, ૪૪ કોસ્ટા કૉફી સ્ટોર્સ છે. માર્ચ ૨૦૧૯ અને ૨૦૨૧ ની વચ્ચે કંપનીના કોર બ્રાન્ડ સ્ટોર્સની CAGR ગ્રોથ ૧૩.૫૮ ટકા પર હતી.