ઇન્ડિયન વેલ્સ- 

વિશ્વ નંબર વન નોવાક જોકોવિચ અને એશ બાર્ટી બીએનપી પરિબાસ ઓપન ટેનિસમાં રમશે, જે કોરોનાવાયરસ રોગચાળાને કારણે બે વખત મુલતવી રાખવામાં આવ્યા બાદ પ્રથમ વખત પાનખરમાં રમાઈ રહી છે. ટૂર્નામેન્ટ ૪ થી ૧૭ ઓક્ટોબર દરમિયાન રમાશે.

જોકોવિચની નજર રેકોર્ડ છઠ્ઠા ટાઇટલ પર રહેશે. તેણે આ વર્ષે ઓસ્ટ્રેલિયન ઓપન, ફ્રેન્ચ ઓપન અને વિમ્બલ્ડન જીત્યા છે. બાર્ટીએ વિમ્બલ્ડન સહિત પાંચ ટાઇટલ જીત્યા છે.

ઓસ્ટ્રેલિયન ઓપન રનર-અપ ડેનિલ મેદવેદેવ, ફ્રેન્ચ ઓપન રનર-અપ સ્ટેફનોસ સિત્સિપાસ, ઓલિમ્પિક ચેમ્પિયન એલેક્ઝાન્ડર ઝ્‌વેરેવ, આન્દ્રે રૂબલેવ અને વિમ્બલ્ડન રનર-અપ માટ્ટેઓ બેરેટિની પણ તેમાં રમશે. મહિલા વિભાગમાં ભૂતપૂર્વ ચેમ્પિયન નાઓમી ઓસાકા, બિયાન્કા એન્ડ્રીસ્કુ, એલેના વેસ્નીના, સિમોના હાલેપ અને વિક્ટોરિયા અઝારેન્કા રમશે. ૧૭ વર્ષની કોકો ગૌ, ૧૮ વર્ષીય કાર્લોસ અલ્કેરેઝ અને ૧૯ વર્ષીય લૈલા ફનાર્ન્ડિસ સહિત સ્ટાર યંગ બ્રિગેડ પણ પદાર્પણ કરશે.


Comments

કોમેન્ટ પોસ્ટ કરવા માટે લાગિન કરો