જમ્મુ, જમ્મુ અને કાશ્મીરના ભૂતપૂર્વ મુખ્યમંત્રી અને નેશનલ કોન્ફરન્સના સંરક્ષક ડૉ. ફારુક અબ્દુલ્લા પર ગોળીબાર કરવામાં આવ્યો હતો, જાે કે તેનો બચાવ થયો હતો. બુધવારે અબ્દુલ્લા જમ્મુના ગ્રેટર કૈલાશ વિસ્તારમાં એક વકીલના લગ્નમાં હાજરી આપી રહ્યા હતા. ગોળીબાર કરનાર, જેની ઓળખ કમલ સિંહ જામવાલ તરીકે થઈ છે, તેને સુરક્ષા કર્મચારીઓએ પકડી પાડી પોલીસે તપાસ શરૂ કરી છે.જમ્મુ અને કાશ્મીરના સીએમ અને ફારુક અબ્દુલ્લાના પુત્ર, ઓમર અબ્દુલ્લાએ કહ્યું, “ભગવાન દયાળુ છે. મારા પિતા માંડ માંડ બચી ગયા. લોડેડ પિસ્તોલ સાથે એક વ્યક્તિ તેમની ખૂબ નજીક આવ્યો અને ગોળીબાર કર્યો.

સુરક્ષા ટીમે અટકાવી અને હત્યાના પ્રયાસને નિષ્ફળ બનાવ્યો. જવાબો કરતાં વધુ પ્રશ્નો છે, જેમાંથી એક એ છે કે કોઈ ભૂતપૂર્વ મુખ્યમંત્રીની આટલી નજીક કેવી રીતે પહોંચી શક્યું, જેમને સુરક્ષા દળો દ્વારા સુરક્ષિત રાખવામાં આવે છે.” આરોપી કમલ સિંહ જામવાલ જમ્મુનો રહેવાસી છે. આ ઘટનાનો એક વીડિયો પણ સામે આવ્યો છે. જેમાં આરોપી ફારુક અબ્દુલ્લા પાસે જઈને ગોળીબાર કરતો જાેઈ શકાય છે.